POP 5

Lajmet më të lexuara të 5 minutave të fundit

Bota

Itali/ 25,000 euro kush shkon të banojë në Rajonin e Molise! Pranohen edhe të huaj apo azilkërkues

Presidenti i Molise gjen një mënyrë të re për t'i dhënë jetë zonës ndërsa numri i banorëve po zvogëlohet. Rajoni i nënpopulluar italian i ofron vizitorëve 25,000 euro për t’u transferuar

Itali/ 25,000 euro kush shkon të banojë në Rajonin e Molise! Pranohen edhe të huaj apo azilkërkues

Një rajon i nën populluar i Italisë së Jugut i’u ofron atyre që transferohen për të jetuar në një nga fshatrat e tij, 700  euro në muaj për tre vjet

Sidoqoftë, ekzistojnë disa kushte: fshati duhet të ketë më pak se 2,000 banorë dhe i porsaardhuri duhet të angazhohet për hapjen e një biznesi.

"Nëse do të kishim ofruar vetëm financim, do të ishte një gjest bamirësie" - thotë Donato Toma, presidenti i Molise.

"Ne duam të bëjmë më shumë; duam që njerëzit të investojnë këtu. Ata mund të hapin çdo lloj aktiviteti: një furrë buke, një restorant, çdo gjë. Është një mënyrë për të marrë frymë jeta në qytetet tona dhe në të njëjtën kohë të rritet popullsia ”.

Toma njoftoi gjithashtu se çdo qytet me më pak se 2,000 banorë do të marrë 10,000 euro me të cilat do të mund të ndërtojë infrastrukturë dhe promovojë aktivitete kulturore.

"Nuk ka të bëjë vetëm me rritjen e popullatës. Njerëzit gjithashtu kanë nevojë për infrastrukturë dhe financimi është një arsye për të qëndruar” – tha si.

Sipas Institutit Kombëtar të Statistikave (Istat), Molise, me një popullsi prej 305,000 banorë, është ndër rajonet që vitet e fundit është braktisur nga shumë njerëz. Që nga viti 2014 janë larguar më shumë se 9000 banorë.

Në vitin 2018, mbi 2.800 banorë vdiqën ose u transferuan në një zonë tjetër. Po atë vit, asnjë lindje e vetme nuk u regjistrua në nëntë qytetet e saj.

Për herë të parë në 90 vjet, numri i qytetarëve italianë që jetojnë në Itali ka rënë në rreth 55 milion, sipas Istat.

Në vitin 2014-18 numri i shtetasve italianë që banojnë në vend është ulur me 677,000.

Në përpjekje për të ringjallur këto qytete, disa kryetarë bashkish, si ai i Sutera, në provincën e Caltanissetta në Siçili, kanë hapur dyert e shtëpive të braktisura për azilkërkuesit nga Libia.

Të tjerë, si Sambuca, kanë miratuar një strategji që është bërë modë në jug: duke shitur ose praktikisht duke i dhënë shtëpi të braktisura kujtdo që është i gatshëm të lëvizë. Çmimi simbolik i një shtëpie është vetëm 1 €.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Neser Gashi: 15/09/2019 10:48

    Ska adres apo nummer telefonie per të komtaktur, per shfaqjen e molise të itaijes

    Përgjigju
  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

Sulmi izraelit, Irani: Nuk kemi plan për hakmarrje të menjëhershme

Sulmi izraelit, Irani: Nuk kemi plan për hakmarrje të menjëhershme

19 Prill, 09:39