Katër shqiptarë nga Kosova janë sulmuar nga disa persona në Triste të Italisë, të cilët ishin të armatosur me thikë, çekiç dhe sprej me piper.

Katër punëtorët nga Kosova u plagosën në përleshjen e dhunshme, ndërsa njëri prej tyre është në gjendje të rëndë, raportojnë mediat italiane.

Ngjarja u shënua pas një ndjekjeje me makina. Mjeti që transportonte katër punëtorët u ndoq dhe u përplas derisa u ndalua.

Pasi dolën nga automjeti, sulmuesit goditën punëtorët me thika,  çekiç dhe spraj me piper.

Paraprakisht dyshohet se sulmi mund të ketë qenë i lidhur me kontrata ndërtimi.

Autoritetet italiane vijojnë punën për kapjen e tyre.