XHENOVA - Në lagjen Sampierdarena të qytetit të Gjenovës në Itali janë arrestuar sot nga policia italiane 5 shtetas shqiptarë për prostitucion.

Ata shfrytëzonin për prostitucion vajza shqiptare dhe rumune. Operacioni filloi pas denoncimit të guximshëm të dy prostitutave, e më pas policia nisi monitorimin e tyre. 

Sipas policisë, prostitutat qëndronin në vende të përcaktuara dhe kontrolloheshin rreptësisht si me telefon e si me pamje nga shqiptarët, të cilët i kërcënonin, nëse rezultatet nuk ishin ato që priteshin.

Si rezultat i bashkëpunimit të policisë së Xhenovas, Milanos dhe Kozencës sot u arrestuan të pesë tutorët e tyre.

Ata janë: Rigers Lula (30 vjeç), Arbër Mançellari (30 vjeç), Bukurosh Çela (30 vjeç), Ilir Rinxhi (36 vjeç), Arjan Zenuni (34 vjeç).

Në çastin e arrestimit të Bukurosh Çelës - i cili mbahej si kreu i organizatës - në banesën e tij, një grua, Bold Ionela Maria, 21 vjeç tentoi të hidhte nga dritarja një pako, e cila mëvonë rezultoi me 400 gr. heroinë dhe 2.5 gr. kokainë.

Në banesë u gjetën edhe dy armë, revolver Smith dhe Wesson me municione realtive. Çela dhe bashkëjetuesja e tij, Bold u arrestuan me akuzën e mbajtjes së lëndëve narkotike dhe armëve. 

Të arrestuarit zakonisht frekuentonin salla lojërash, lokale nate, qejfe që vinin prej shfrytëzimit të prostitutave, të cilat pas mbarimit të punës ata i detyronin të rrinin brenda në shtëpi. 
arrestuar prostitucion
(Në foto: Pesë të arrestuarit)

Redaksia Online
(mag/shqiptarja.com)