Itali, arrestohet shqiptari
Kapet me 60 mijë Euro kokainë

RIMINI, Itali - Policia e Riminit ka arrestuar një shqiptar dhe të dashurën e tij pasi akuzohen për shpërndarje të lëndëve narkotike. Shqiptari emigrant në Itali kishte si vend të shpërndarjes së drogës një lokal, ku takohej me klientët dhe binte dakord për çmimin.

Por mbrëmjen e së shtunës, duke pritur së bashku me klientët e tjerë për të blerë drogë ishin edhe policët, të cilët arrestuar 37-vjeçarin dhe të dashurën e tij, një ukrainase 30-vjeçare.

Në makinën e tij, shqiptari i cili ishte ndarë nga bashkëshortja italiane me dy fëmijë, kishte 20 doza kokainë të fshehura në një paketë cigareje.

Ndërsa gjatë kontrollit të ushtruar nga policia në banesën ku jetonte me të dashurën e re janë gjetur 20 doza kokaine të fshehur në një kuti bizhuterish, që peshonin 200 gramë dhe arrinin vlerën e 60.000 eurove në treg.

Gjithashtu gjatë kontrollit të ushtruar policia ka gjetur dhe ka sekuestruar edhe 3.000 euro.

E dashura e shqiptarit punonte kameriere në një lokal, dhe është justifikuar se paratë ishin të sajat dhe nuk dinte gjë për drogën që ndodhej në shtëpi.

Hetimet për këtë operacion kishin filluar para një viti, kur shqiptari i kishte shpëtuar arrestimit nga karabinierët, ku në pranga përfunduan 5 shpërndarës droge, të gjithë shqiptarë.

Policia italiane informon se klientët ishin aq të lidhur me shqiptarin, saqë gjatë dy ditëve ata nuk kanë reshtur së telefonuari në telefonat e tij celularë, të dy të sekuestruar nga policia.

(ar/shqiptarja.com)

/Shqiptarja.com
  • Sondazhi i ditës: 18 Shkurt, 07:09

    Sulmet nga Berisha, sipas jush a rrezikon SPAK të shkrihet?



×

Lajmi i fundit

Bisedimet SHBA-Rusi në Riad/ Trump: Shkuan shumë mirë, Ukraina nuk duhet ta kishte nisur luftën! BE: Putin kërkon të na ndajë, mos të biem në grackë

Bisedimet SHBA-Rusi në Riad/ Trump: Shkuan shumë mirë, Ukraina nuk duhet ta kishte nisur luftën! BE: Putin kërkon të na ndajë, mos të biem në grackë