Itali, COVID-19 rrit kërkesat për divorc me 60%

Itali, COVID-19 rrit kërkesat për divorc me 60%

Kriza e shkaktuar nga COVID- 19 dhe izolimet që kanë ardhur si pasojë e tyre kanë tensionuar martesat italiane duke shkaktuar një rritje të kërkesave për ndarje me 60% midis 2019 dhe 2020, tha të enjten shoqata italiane e avokatëve të divorcit.

Nga këto 40% e kërkesave janë në bazë të pretenduar për tradhëti, 30% për dhunë në familje dhe 30% për shkaqe të tjera.

"Ekziston një stres i dukshëm i sjellë nga pandemia”, thanë avokatët.

Ata thanë se tensionimi i marrëdhënieve bashkëshortore ishte përkeqësuar nga një humbje e papritur e punës dhe nga probleme të tjera të shkaktuara nga COVID, siç janë vështirësitë e fëmijëve me mësim në distancë.

 "COVID po minon martesat në të gjithë vendin. Kërkesat për ndarje janë rritur në mënyrë eksponenciale, kryesisht për shkak të bashkëjetesës së detyruar, e cila është burimi i të gjitha problemeve kryesore që po godasin çiftet," tha presidenti i shoqatës Matteo Santini .

Është një gjë të ndash fundjavat dhe mbrëmjet dhe një tjetër të ndash tërë ditën me të gjitha problemet që burojnë nga epidemia: stresi shëndetësor për shkak të sëmundjes, mungesa e punës, jetesa me fëmijët dhe problemet e tyre me mësimin në distancë. "

Santini tha se 40% të rasteve të ndarjes ishin për shkak të vështirësisë që kanë bashkëshortët jo besnikë për të fshehur jetën e tyre të dyfishtë kur ata janë të detyruar të jetojnë me partnerët e tyre 24/7.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri