Itali, dy shqiptarë kapen me 8 kg kokainë me vlerë 1 mln euro

Itali, dy shqiptarë kapen me 8 kg kokainë me vlerë 1 mln euro

Dy shqiptarë janë arrestuar nga policia italiane në Ankona, pasi akuzohen për trafik kokaine.  Sipas mediave në Itali, dy shqiptarët e arrestuar janë me inicialet I.T 43 vjeç dhe J.M  37 vjeç. Policia i sekuestroi 8 kg kokainë me vlerë tregu deri në 1 milion euro.

Operacioni për arrestimin e tyre nisi pas dyshimeve të një automjeti tip Seat Altea XL,me targa polake që qarkullonte në rrugët e komunës së Senigallas. Makina u bllokua në një shesh përgjatë rrugës Arcevian, ku shoferit shqiptar iu bashkua një punëtor me të njëjtën kombësi.

Kërkimet e imtësishme të kryera në automjet dhe më pas, në shtëpinë e punëtorit kanë lejuar policinë të gjejë 8 kilogramë kokainë (7 pako prej 1.150 kg secila) të fshehura brenda një fundi të dyfishtë të bërë nën sediljet e pasme, nën bagazhin e makinës.

Vendi i fshehjes së drogës u hap në mënyrë elektronike nga një pajisje elektrike e ndërtuar ‘ad hoc’ dhe që aksesohej me telekomandim.

Së bashku me drogën, u gjetën 5,000 euro, plus 1.300 euro të tjera që shoferi i mbante në xhep. Gjithashtu edhe 3 telefona celularë dhe një navigator u gjetën në pjesën e poshtme të dyfishtë.

Dy shqiptarët iu dorëzuan autoriteteve të drejtësisë në shtetin italian.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS