Itali/ Dyshohet se do të vidhnin bankën në Vatikan, lihen të lirë 2 persona: Kaluam rastësisht! Grabitësi që mbeti brenda tunelit nuk është në gjendje të flasë

Itali/ Dyshohet se do të vidhnin bankën në Vatikan, lihen të lirë 2 persona: Kaluam rastësisht! Grabitësi që mbeti brenda tunelit nuk është në gjendje të flasë

Foto nga vendi i ngjarjes

Itali – Janë liruar nga burgu dy persona që u arrestuan nga policia sepse dyshohej se kishin lidhje me gërmimin e tunelit pranë Vatikanit dhe i bënë rezistencë karabinierëve. Antonio Pinto dhe Mario Mazza, me origjinë napoletane janë sërish të lirë pasi u arrestuan të enjten në lagjen Aurelio, në Romë pasi dyshoheshin se ishin pjesë e grupit që hapi tunelin me synim për të vjedhur bankën.

Në dëshminë e tyre para policisë, ata thanë se kaluan rastësisht pranë tunelit dhe panë një djalë që i kërkonte ndihmë. 

“Pasi pamë tunelin, u frikësuam dhe u larguam. Kur po largoheshim, një makinë erdhi drejt nesh dhe pamë armët. Kur kuptuam se ishin karabinierët”, thanë ata në seancën gjyqësore.

Megjithatë vijojnë hetimet se kanë qenë 4 persona që kanë hapur tunelin në Via Innocenzo XI, por mungojnë provat sepse nuk është gjetur asnjë makineri gërmimi.

I riu i shpëtuar, 34 vjec, i cili mbeti i bllokuar prej një dite gjashtë metra nën tokë dhe u shpëtua nga forcat zjarrfikëse, ndodhet ende në spital.  Ai është i shtruar në spitalin San Camillo në Romë dhe ende nuk është në gjendje të flasë pasi nuk dihet si është gjendja e tij shëndetësore.

Pavarësisht se napolitanët janë lënë të lirë, hetuesit dyshojnë se janë të përfshirë në ngjarje sepse tentuan të arratiseshin derisa u bllokuan nga policia. Të rinjtë mesa duket janë frymëzuar nga seriali ‘Casa de Papel’ për të kryer një grabitje të një banke, plan që ka dështuar.

A.M./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Opozita maqedonase kundër Ballkanit të Hapur, bllokon ligjet në Kuvend

Opozita maqedonase kundër Ballkanit të Hapur, bllokon ligjet në Kuvend