POP 5

Lajmet më të lexuara të 5 minutave të fundit

Bota

Itali/ Erdhi nga Ekuadori, 3 shqiptarët kapen me 40 kg kokainë në portin e Livornos! Po e tërhiqnin nga kontejneri, vlera 3 mln euro

Të dyshuarit ishin në ndjekje nga agjentët dhe ndërhyrja u bë pikërisht orët e vona të natës së mërkurë, duke gdhirë dita e sotme, kur edhe po merrnin mallin nga një kontejner që vinte nga Ekuadori, me anije tregtare

Itali/ Erdhi nga Ekuadori, 3 shqiptarët kapen me 40 kg kokainë në portin e Livornos! Po e tërhiqnin nga kontejneri, vlera 3 mln euro

Guardia di Finanza dhe Doganat italiane në operacionin e kapjes së kokainës

Itali- Tre shqiptarë janë arrestuar nga policia italiane në rajonin e Toskanës, me rreth 40 kilogramë kokainë që kishte ardhur nga Amerika e Jugut.

Të dyshuarit ishin në ndjekje nga agjentët dhe ndërhyrja u bë pikërisht orët e vona të natës së mërkurë, duke gdhirë dita e sotme (31 Tetor), kur edhe po merrnin mallin nga një kontejner që vinte nga Ekuadori, me anije tregtare.

Operacioni u bë në portin e Livornos, nga Guardia di Finanza dhe Agjencia e Doganave.

Lënda narkotike kap vlerën e rreth 3 milionë eurove nëse shitet në tregun ilegal. Dyzet kilogramë drogë ishte e ndarë në 36 blloqe bën të ditur agjencia “Ansa”, duke sqaruar se janë arrestuar tre shqiptarë, të cilët tentuan të merrnin drogën gjatë natës.

Emrat e të dyshuarve nuk u publikuan dhe hetimet vijojnë.

Të tre u befasuan nga financuesit e grupit Livorno dhe nga zyrtarët e departamentit kundër mashtrimit të zyrës doganore.

Prefekti i Livornos, Giancarlo Dionisi, vlerësoi goditjen.

“Një operacion të një niveli kaq të lartë profesional dhe një ndikim kaq të lartë në krimin e organizuar që synon të përdorë Livornon si një portë për drogën në vendin tonë", tha ai.

Media e vendit fqinj shkruan se lënda narkotike do të asgjësohet në një incenerator.

Kokaina e kapur nga organet ligjzbatuese italiane

 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Këto janë 3 shenjat e zodiakut më të prekura nga Hëna e Re e nëntorit

Këto janë 3 shenjat e zodiakut më të prekura nga Hëna e Re e nëntorit

31 Tetor, 21:06