Itali/ Erdhi nga Ekuadori, 3 shqiptarët kapen me 40 kg kokainë në portin e Livornos! Po e tërhiqnin nga kontejneri, vlera 3 mln euro

Itali- Tre shqiptarë janë arrestuar nga policia italiane në rajonin e Toskanës, me rreth 40 kilogramë kokainë që kishte ardhur nga Amerika e Jugut.

Të dyshuarit ishin në ndjekje nga agjentët dhe ndërhyrja u bë pikërisht orët e vona të natës së mërkurë, duke gdhirë dita e sotme (31 Tetor), kur edhe po merrnin mallin nga një kontejner që vinte nga Ekuadori, me anije tregtare.

Operacioni u bë në portin e Livornos, nga Guardia di Finanza dhe Agjencia e Doganave.

LEXO EDHE:
Gazetarja italiane Cecilia Sala qëndron e burgosur në një qeli pa shtrat, Roma thirrje Iranit: Të lirohet menjëherë

Lënda narkotike kap vlerën e rreth 3 milionë eurove nëse shitet në tregun ilegal. Dyzet kilogramë drogë ishte e ndarë në 36 blloqe bën të ditur agjencia “Ansa”, duke sqaruar se janë arrestuar tre shqiptarë, të cilët tentuan të merrnin drogën gjatë natës.

Emrat e të dyshuarve nuk u publikuan dhe hetimet vijojnë.

Të tre u befasuan nga financuesit e grupit Livorno dhe nga zyrtarët e departamentit kundër mashtrimit të zyrës doganore.

Prefekti i Livornos, Giancarlo Dionisi, vlerësoi goditjen.

“Një operacion të një niveli kaq të lartë profesional dhe një ndikim kaq të lartë në krimin e organizuar që synon të përdorë Livornon si një portë për drogën në vendin tonë", tha ai.

Media e vendit fqinj shkruan se lënda narkotike do të asgjësohet në një incenerator.

Kokaina e kapur nga organet ligjzbatuese italiane

TAG:
• arrestohen
• shqiptaret
• ekuador
• kokaine
• livorno
• itali

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.6%

• Mirëqënia

  21.6%

Vota total: 2173

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia