Gomonia sipas mediave italiane dyshohet se vinte nga Shqipëria, ndërsa kaloi ngushticën e Otrantos mesnatën e të hënës duke u gdhirë e martë.
Trafikantët synonin bregdetin e San Foca, por gomonia u pikas nga disa banorë të cilët njoftuan më pas policinë.
Trafikantët e kishin fshehur kanabisin e ndarë në 40 pako të mëdha në disa shkurre afër plazhit.
Policia italiane sekuestroi sasinë e kanabisit dhe një armë zjarri, ndërsa ka nisur hetimet për të zbuluar skafistët dhe rrjetin e trafikut të drogës.
Disa nga mediat italiane shkruajnë se lënia e drogës në breg të detit e fshehur mund të ketë qenë edhe një keqkuptim mes skafistëve dhe atyre që do ta merrnin në dorëzim.
Megjithatë nuk përjashtohet mundësia që skafistët u arratisën kur zbardhi dita nga frika e arrestimit, ndonjë avari apo edhe nga i ftohti.
Dyshimet janë të shumta, pasi gomonia e fuqishme me 200 kuaj fuqi u braktis vetë nga skafistët, pasi nuk u ndoq nga policia.
Ky është rasti i tretë që policia italiane sekuestroi gomone me kanabis nga Shqipëria për këtë vit.
“La Repubblica” shkruan se alarmi për rritjen e trafikut të drogës nga Shqipëria ka nisur në muajt e fundit nga shërbimet sekrete, të cilat gjithashtu kanë theksuar edhe rrezikun e radikalizimit ekstremizmit islamik në Shqipëri.
Ndërkohë që dje në Vlorë u gjet një makinë me targa amerikane në det, e cila dyshohet se është përdorur për trafik droge, pasi mjeti ishte i lidhur me një karrel mjeti ujor prej 5 m.
Por nuk dihet nëse makina e gjetur në det ka lidhje me sasinë e kanabisit që u trafiku përmes Otrantos drejt Italisë natën e së martës dhe që u sekuestrua nga policia italiane.
Aktualisht makina është dërguar në ambientet e komisariatit të Vlorës, për t’ju nënshtruar ekspertizës.
[gallery]20514[/gallery]
dy.b/shqiptarja.com