POP 5

Lajmet më të lexuara të 5 minutave të fundit

Bota

Itali/ Kishte fshehur rreth 20 mijë euro në pelenat e mbesës, në pranga shqiptari klandestin! I sekuestrohet kokainë edhe në makinë, nervozizmi e tradhtoi

Sinjalizimet çuan karabinierët e Pordenones në kontrollin e mjetit, ku u gjetën 10 gramë kokainë dhe 2 mijë euro cash. Inspektimi në shtëpinë e tij solli dhe zbulimin befasues. Mbesa e shqiptarit hodhi në koshin e tualetit pelenat e bebeve, ku brenda gjendeshin 19850 euro të tjera

Itali/ Kishte fshehur rreth 20 mijë euro në pelenat e mbesës, në pranga shqiptari klandestin! I sekuestrohet kokainë edhe në makinë, nervozizmi e tradhtoi

Eurot e fshehura në pelena bebesh

Pordenone- Një rrjet i shpërndarjes së sasive të konsiderueshme të drogës dhe pastrimit të parave është goditur nga policia italiane.

Aksioni është kryer në Pordenone dhe u njoftua sot (8 Janar), ku një shqiptar që qëndronte ilegalisht në vendin fqinj, u arrestua pas denoncimeve të qytetarëve, me rreth 22 mijë euro cash, një pjesë e mirë e tyre e fshehur në pelenat e mbesës së tij të vogël, si dhe një sasi kokaine.

Gjatë një patrullimi normal, karabinierët ndaluan një automjet, i cili rezultoi se drejtohej nga shqiptari, i cili nisi të bënte sjellje nervoze. Gjatë kontrollit iu gjetën mbi 2000 euro cash fillimisht. 

Por zbulimet nuk u ndalën këtu, pasi një inspektim më i thellë konstatoi një objekt plastik, që zakonisht përdoret për të mbajtur lodrat e fëmijëve. Dhe brenda tij 7 doza kokainë, në total 10 gramë. Falë ndihmës së njësive të trajnuara të qenve, efektivët vendosën të zgjerojnë hetimet edhe në rezidencën e të dyshuarit, që ndodhet në provincën e Trevisos. 

Kontrolli i shtëpisë solli rezultate befasuese. Policia gjeti një shumë parash të fshehur në një vend të papritur: 19.850 euro brenda pelenave të bebeve (mbesës së tij të vogël). Paratë u mbështollën dhe u hodhën në një kosh të banjës, të përziera mes pelenave të pastra dhe atyre të përdorura, nga mbesa më e madhe e shqiptarit, për të mbuluar provat. Besohet se këto para janë të ardhura nga aktiviteti i shitjes së lëndëve narkotike.

Ka dyshime se shqiptari bënte edhe pastrimin e këtyre parave nëpërmjet kamuflimit në pelena, duke ua dërguar personave konkretë, informon media italiane. I arrestuari akuzohet për dy krime: hyrje dhe qëndrim i paligjshëm në territorin kombëtar dhe tregtimi i lëndëve narkotike, teksa rrezikon edhe atë të pastrimit të parave.

Koshi ku ishin hedhur në tualet dhe tufat e pelenave të mbushura me euro

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Zyrtare/ Sokol Cikalleshi rikthehet në Turqi, firmos në Ligën e Parë

Zyrtare/ Sokol Cikalleshi rikthehet në Turqi, firmos në Ligën e Parë

9 Janar, 12:09