ITALI - Policia italiane ka konfiskuar më shumë se 20 tonë kanabis nga një anije, që lundronte larg brigjeve të ishullit të Siçilisë.

Oficerët e rojes bregdetare shoqëruan varkën në portin Marsala dhe zbuluan lëndën narkotike në thasë cope bëri të ditur policia në një deklaratë për shtyp.

Gjashtë anëtarët e ekuipazhit me origjinë siriane janë marrë në paraburgim.

Policia tha se kjo sasi përbënte konfiskimin më të rëndësishëm të drogës në Mesdhe në dhjetë vitet e fundit.

Anija ishte nisur nga Maroku, një nga prodhuesit më të mëdhenj në botë të hashashit, të destinuar kryesisht drejt Evropës Perëndimore.

Autoritetet thanë se kishin monitoruar anijen për dy ditë, që kur ajo kishte hyrë në ujërat italiane.

(ad.ti/l.ç/shqiptarja.com)