POP 5

Lajmet më të lexuara të 5 minutave të fundit

Arkiva

Itali, Marina Ushtarake: Mijëra imigrantë të shpëtuar gjatë fundjavës

ROMË, 4 gusht /ATSH-ANSA/ – Gjatë fundjavës që sapo kaloi mjetet aerodetare të Marinës Ushtarake italiane u përfshinë vazhdimisht në shpëtimin e mijëra imigrantëve ilegalë, që mbërrinin në gadishullin apenin nga brigjet e Afrikës Veriore, njoftoi kjo marinë. ”Mes të premtes dhe të dielës u shpëtuan të paktën 2 500 persona nga anijet e përfshira […]
Gjatë fundjavës që sapo kaloi mjetet aerodetare të Marinës Ushtarake italiane u përfshinë vazhdimisht në shpëtimin e mijëra imigrantëve ilegalë, që mbërrinin në gadishullin apenin nga brigjet e Afrikës Veriore, njoftoi kjo marinë.

"Mes të premtes dhe të dielës u shpëtuan të paktën 2 500 persona nga anijet e përfshira në operacionin 'Mare Nostrum', mes të cilave anijet 'Aliseo' dhe 'Fasan', anija amfibe 'Sfinge', ajo 'San Giusto' dhe helikopterët", shtoi ajo.

Të 1 311 imigrantët ilegalë, që fregata "Fasan" do të zbarkojë sot në mëngjes në portin e Tarantos janë rrjedhojë e ndërhyrjeve shpëtuese mes të premtes dhe të shtunës në Kanalin e Siçilisë, në jug të Lampeduzës. Ndërkohë, në bordin e anijes amfibe "San Giusto" ndodhen 1 189 imigrantë ilegalë të shpëtuar./ATSH/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31