POP 5

Lajmet më të lexuara të 5 minutave të fundit

Bota

Itali/ Moti i keq në Emilia Romagna, humbin jetën 9 persona, 13 mijë të evakuuar! Mbyllen shkollat prej përmbytjeve

Përmbytjet kanë shkaktuar një situatë kritike në Italiu ku të paktën 9 persona mbetën të vdekur dhe persona të tjerë raportohet të jenë zhdukur në zonën Forli-Cesena. Reshjet pritet të vazhdojnë deri të dielën, ndërsa forcat e emergjencës kanë zbritur në terren duke u përpjekur të shpëtojnë sa më shumë njerëz.

ITALI- Rajoni i Emilia Romagnas po kalon momente dramatike për shkak të përmbytjeve, me të paktën 9 viktima , ndërsa ka edhe të zhdukur në zonën Forlì-Cesena dhe në Cesenatico. 

Në pamje duket momenti kur një grua me fëmijën në krah kërkon me dëshpërim ndihmë për të shpëtuar nga vërshimi i ujit në banesën e saj. Disa fqinj, u hodhën në ujë dhe ia dolën t’i shpëton të dy, pasi përmbytjet u rritën me shpejtësi. Sipas ekspertëve një përmbytje e tillë nuk ndodhte që prej 30 vjetësh.

Kritike është situata edhe në Bolonja me përroin e Ravones që ka dalë nga shtrati dhe ka përmbytur një nga rrugët kryesore, duke bllokuar trafikun në qytet.

Ministri i Mbrojtjes Civile Nello Musumeci, tha se rreth 13 mijë njerëz janë evakuuar dhe se janë miratuar tashmë 10 milionë euro për shpenzimet e para dhe urgjencat.

Sipas uilancit të deritanishëm, 23 komuna kanë pësuar përmbytje të mëdha, ndërsa në terren janë 510 zjarrfikës dhe 5 helikopterë

Bashkia e Bolonjës bën të ditur se sistemi rrugor është i rrezikuar në shumë zona dhe se banorët duhet të bëjnë vetëm udhëtime shumë urgjente. Rrëshqitje dherash ka në zonat e Apenineve, me rrugë të mbyllura, qarkullimi i trenave është ndërprerë përgjatë vijës së Adriatikut. Po ashtu Riçione, Faenza, Bolonja, Ravena dhe Froli janë nën ujë, zona ku është lëshuar alarmi i kuq dhe nesër shkollat janë të gjitha të mbyllura.  Marche dhe Abruzzo po përballen gjithashtu me rrëshqitjet e dheut dhe baltës, ndërsa në Veneto, me rikthimin e baticës së lartë, është urdhëruar edhe një herë ngritja e barrierave të Moses. Cikloni tunizian i ardhur nga Afrika e Veriut vazhdon të dëmtojë vendin, ku sipas parashikimeve reshjet dhe temperaturat e ulëta do të vazhdojnë të paktën deri të enjten.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56