Itali, sekuestrohen 66 kilogramë
marijuanë, vinte nga Shqipëria

ITALI- Në dy operacione të ndryshme policia italiane sekuestroi 66 kg marijuanë e mbërritur nga Shqipëria. Sipas mediave italiane, policia në Taranto ka gjetur një sasi të madhe marijuane në plazhin Castellaneta Marina. Droga ishte ndarë në 12 pako dhe pesha totale e marijuanës ishte rreth 50 kg.

Nga hetimet e para rezulton se droga është prodhuar dhe paketuar në Shqipëri dhe më pas është braktisur në det të hapur.

Ndërkaq, skuadra e policisë në Bolzano, në bashkëpunim me kolegët në Prato, arrestuan një korrier 23-vjeçar shqiptar, që mbante një ngarkesë prej 16 kg marijuanë. Droga, nëse shitej në tregun e zi do të kishte sjellë fitime prej së paku 150 000 euro.

Redaksia Online
(e.s/shqiptarja.com)