Pas lajmit se "bosi" shqiptar, Emanuel Demaj publikoi një fotografi në Facebook teksa ishte në burg, policia italiane ka bastisur qelinë e tij po pa gjetur celularin.

Pas një kontrolli prej mëse 2 orësh, trupat e policisë italiane të ardhur nga qyteti i Viçencës në bashkëpunim me policinë e burgjeve kanë gjetur telefonin celular, por jo në qelinë e Emanuel Demaj, por në qelinë e një të burgosuri tjetër i huaj, me origjinë nga Europa Lindore.

Emanuel Demaj ishte kreu i një bande grabitësish që vepronin në territorin e Italisë së Veriut.

Ndaj tij, prokurorja Silvia Golin ka kërkuar dënimin me 16 vjet burg. Fotot e publikuara më parë tërhoqën vëmendjen e mediave italiane dhe jo vetëm duke vënë në pikëpyejtje institucionet e sigurisë në Itali.

Por më shumë se sa festa e ditëlindjes në burg, ajo çka ka shkaktuar skandal është ekzistenca e telefonave celularë në burgje.

Redaksia Online
(e.m/shqiptarja.com)