POP 5

Lajmet më të lexuara të 5 minutave të fundit

Sport

Italia dhe Belgjika, në finalet e Ligës së Kombeve (VIDEO-Golat)

Përcaktohen katër ekipet e fazës finale të Ligës së Kombeve. Spanjës e Francës iu bashkuan Italia e Belgjika që në tetor të vitit të ardhshëm do “luftojnë” për trofeun. “Të kaltrit” fituan dje 2-0 ndaj Bosnje Hercegovinës ndërsa Belgjika mundi Danimarkën.

Italia e Belgjika i janë bashkuar Spanjës dhe Francës në fazën finale të Ligës së Kombeve që do të zhvillohet në tetor të vitit të ardhshëm dhe do të përcaktojë fituesen e kompeticionit. Në ndeshjet e fundit në grupe Italia mposhti 2-0 në transfertë Bosnje Hercegovinën dhe e mbylli grupin A1 në vend të parë në kuotën e 12 pikëve pas 3 fitoreve dhe po kaq barazimeve. Belotti në pjesën e parë dhe Berardi në të dytën ishin autorët e golave për “ të kaltrit”.

Në vendin e dytë të grupit A1 u rendit Holanda që triumfoi në transfertë 2-1 ndaj Polonisë me golat e Depay dhe Ëijnaldum. Tulipanët i fituan dy ndeshjet e fundit por nuk mjaftoi për të parakaluar Italinë.

Ligën e Kombeve në vendin e parë në grupin A2 e mbylli Belgjika që nuk pati probleme në ndeshjen direkte ndaj Danimarkës. Belgët fituan 4-2 falë dygolëshit të Lukakut dhe rrjetave të realizuara nga Tielemans dhe De Bruyne. Në kuotën e 15 pikëve falë 5 fitoreve dhe një humbjeje Belgjika kualifikohet për në Final Four dhe do të “luftojë” për trofeun.

Anglia nuk pati aspak probleme në “Ëembley” dhe bëri poker ndaj Islandës. Vendosën golat e Rice , Mount dhe dygolëshi nga Foden për “tre luanët” ndërsa Islanda e mbyll në mënyrë të turpshme pasi pësoi 6 humbje në po kaq ndeshje. Anglia u rendit e treta në grup.

Përgatiti: Andi Kapxhiu

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça