POP 5

Lajmet më të lexuara të 5 minutave të fundit

Kronikë

Italia pushon hetimin për kreun
e bandës së heroinës, Altin Hajri

Në muajin tetor të vitit të kaluar, policia italiane kishte shpallur në kërkim ndërkombëtar Altin Hajrin, një prej personave të dyshuar si koka e një rrjeti të trafikut të drogës nga Afganistani në Itali. Mirëpo 8 muaj më vonë, autoritetet italiane pushuan hetimin ndaj tij, duke hequr emrin e tij nga listat e të kërkuarve.  VIDEO
Italia pushon hetimin për kreun<br />e bandës së heroinës, Altin Hajri
Në muajin tetor të vitit të kaluar, policia italiane kishte shpallur në kërkim ndërkombëtar Altin Hajrin, një prej personave të dyshuar si koka e një rrjeti të trafikut të drogës nga Afganistani në Itali. Mirëpo 8 muaj më vonë, autoritetet italiane pushuan hetimin ndaj tij, duke hequr emrin e tij nga listat e të kërkuarve.

vellezerit hajri

Në Shqipëri, atij iu bllokuan pasuri me vlerë rreth 10 milionë euro, ndërsa ai dhe pjestarë të familjes së tij ishin aksionerë në një kompani karburantesh në Durrës. 

Në 29 tetor të 2015, në saj të operacionit të përbashkët të policisë italiane dhe shqiptare të koduar "Enigma", u arrestuan 16 persona dhe u sekuestruan më shumë se 450 kilogramë drogë e papërpunuar, 325 kilogramë marijuanë, 206 kilogramë heroinë.

Ndërkaq dje policia e Durrësit arrestoi djalin e xhaxhait të tij dhe një kushëri tjetër të dyshuar si pjestarë të rrjetit të trafikut ku ishte dyshuar më parë Altin Hajri dhe vëllezërit e tij. Hajri Balla dhe Fortuz Hajri, 53 dhe 24 vjeç, të dy banes në Shijak, u arrestuan nga policia e Durrësit, në bazë të një urdhëri ndalimi të gjykatës së Venecias së datës 15 gusht të vitit të kaluar.

Hajri balla fortuz hajri

Ata akuzohen për veprën penale të "trafikimit të lëndëve narkotike”, parashikuar në nenet 10, 73, 77 74 të Kodit Penal Italian.

Maksimumi i dënimit për këto vepra penale parashikon një masë prej 30 vitesh burgim. Këta dy persona i kishin shpëtuar operacionit të vitit të kaluar të policisë shqiptare në Durrës, bashke me Altin Hajrin.

Tashmë hetimet ndaj Altin Hajrit janë pushuar ndërsa i vëllai i tij Emiljano Hajri vijon të jetë në kërkim ndërkombëtar. Hetimet vazhdojnë për pjesën tjetër të bandës.

Redaksia online
(u.s/shqiptarja.com)

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58