Italiani: Çfarë mendova kur qëllova me armë shqiptarin hajdut, kam frikë nga hakmarrja

ITALI- Kur kanë kaluar dy ditë nga ngjarja, Andrea Pulone, 29-vjeçari që plagosi të riun shqiptar pasi i vodhi në shtëpi, ka dhënë versionin e tij se si ka ndodhur ngjarja. Në një intervistë për radion " Cusano Campus", 29-vjeçari është shprehur se nuk ka pasur për qëllim që të vristë askënd, por qëlloi për vetëmbrojtje.

"Dëgjova zhurmë, shkova të merrja armën dhe u nisa në dhomën nga po vinin zërat. Kur hapa derën pashë tre persona që po qëndronin para meje. Njëri u përpoq që të më ndalonte, e ndërsa në dhomë ishin edhe dy të tjerë. Ishin të pajisur me shufër hekuri", tha 29-vjeçari.

Pulone vijoi deklaratën e tij duke thënë se tashmë është i frikësuar pasi tashme i druhet një hakmarrjeje të mundshme.

"Tani kam frikë. Kisha armë sepse është një hobi, por tani nuk e kam më. Ndihem i pasigurt sepse nuk jam i armatosur dhe i trembem një hakmarrjeje. Mendimi i parë që më erdhi ndërmend ishte e dashura ime e cila ishte në shtëpi në ato momente. Unë nuk kisha qëllim që të qëlloja në drejtim të tyre, por më pas më thanë se një djalë është plagosur. Qëllova dhe di që kam pasur shumë adrenalinë në atë moment", tha Pulone.

B.K./Shqiptarja.com

TAG:
• arrestohen shqiptaret
• itali
• vjedhje
• Andrea Pulone