POP 5

Lajmet më të lexuara të 5 minutave të fundit

Opinion

I.V

I gjithë kompozimi noton në një qiell blu nate të pakohë! Gjithshka është kaq larg dogmës standarte të unitetit të klasës puntore me fshatarësinë punonjëse nën udhëheqjen e partisë komuniste. 
I.V

Posteri i percjelle nga Artan Lame

Sot është 1 Maj, festa e puntorisë. Puntorë s’ka më po festa u ka mbetur. Dhe, meqë kjo festë ish vërtet e tillë vetëm në kohën që shkoi, po e kujtoj me një shenjë të kohës së vet.
Ky është një poster diku në vitet 1970-72. Jemi në kulmin e periudhës së liberalizmit në të gjitha fushat e kulturës, art, shkrime, pikturë, muzikë. Eshtë e pabesueshme se sa futurist ngjan i gjithë kompozimi! Drapri që me majën e lëshuar përpjetë ngjan si një raketë kozmike, çekiçi i lëvizur nga pozicioni i tij i zakonshëm diagonal dhe i vendosur vertikalisht si piedestal, kordelja minimaliste kuq e zi për të dhënë një element nacionalist (sakrilegj ky në epokën e internacionalizmit proletar). 

I vetmi element ideologjik është sigla “PPSH”, por edhe kjo e dhënë si informacion pa emocion, me ngjyrë të bardhë. Ylli, që normalisht duhej të ishte i kuq, është dhënë i verdhë, për të mos konkuruar kordelen kuq e zi. Në epokën e të kuqes post Revolucion Kulturor, i vetmi element i kuq është fasha e fjongos, por edhe kjo jo ideoligjike, pasi është detyrim koloristik i flamurit kombëtar.

I gjithë kompozimi noton në një qiell blu nate të pakohë! Gjithshka është kaq larg dogmës standarte të unitetit të klasës puntore me fshatarësinë punonjëse nën udhëheqjen e partisë komuniste. 
Për fat të keq, posteri nuk ka emrin e autorit... Uroj të mos ketë gjetur belanë nja dy vjet më pas, kur shpërthimin liberalist e mori dreqi.

Posteri komunist i analizuar nga Lame

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Salvador Dali: 01/05/2018 15:30

    Excellent!

    Përgjigju
  • Picasso: 01/05/2018 15:29

    ..sh.I vecante! Interesant vertet! ..le te hapi 1 Ekspozite Private Lame!..vetem me Artin e Realizmit Socialist 44"-91"

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46