TEL AVIV - Kryeminsitri izraelit Beniamin Netanyahu ka shkarkuar 2 ministra të kabinetit të tij duke njoftuar se dëshiron të shpërndajë parlamentin ‘sa më shpejt të jetë e mundur’. Bëhet fjalë për ministrin e Financave Yair Lapid dhe atë të drejtësisë Tzipi Livni, të cilët kanë sfiduar disa prej politikave të Netanyahut.

“Me një fjalë, kemi të bëjmë me një puç, çka bën të pamundur drejtimin e qeverisë. Prandaj pak kohë më parë, udhëzova sekretarin e kabinetit të lëshojë urdhra shkarkimi për ministrant Livni e Lapid”, deklaroi Netanyahu.

Qeveria e Netanyahut u formua vitin e kaluar, por hasën vështirëi në miratimin e buxhetit të vitit 2015 dhe kalimin e një projekt-ligj të diskutueshëm për hebrenjtë, që sipas kritikëve diskriminon qytetarët arabë.

Netanyahu tha se 2 ministrat kryesorë të qeverisë së tij kanë sulmuar qeverinë dhe janë përpjekur të formojnë një koalicion të fshehtë. 

Redaksia Online
(e.c/shqiptarja.com)