/ATSH-AFP/ - Ushtria izraelite sulmoi sot jugun e Rripit të Gazës, duke vrarë një aktivist të Hamasit, pas sulmeve palestineze kundër një patrulle, njoftuan ushtria izraelite dhe burime mjekësore palestineze.

Ushtria izraelite konfirmoi se ka zhvilluar sulme ajrore dhe me tanke në zonën që ndodhet në lindje të Khan Younes, pas sulmesh me snaipera kundër ushtarëve, që patrullonin në krahun izraelit të kufirit.

"Në përgjigje ndaj një sulmi kundër forcave tona që gjenden në lindje të barrierës në jug të rripit të Gazës, ne sulmuam menjëherë shënjestrat në fjalë, duke përdorur një avion dhe goditje nga një tank", njoftoi ushtria në një komunikatë.