Zëdhënësi i Forcave të Mbrojtjes së Izraelit, Avichay Adraee, ka njoftuar një “paralajmërim urgjent” për banorët që jetojnë në Libanin jugor, ndërsa vazhdojnë sulmet ajrore.

Adraee thotë se Hezbollah po e “detyron” ushtrinë izraelite të veprojë në zonë dhe se IDF “nuk ka ndërmend të dëmtojë” civilët.

“Ne e përsërisim dhe ju bëjmë thirrje të largoheni menjëherë nga shtëpitë tuaja dhe të drejtoheni menjëherë në veri të lumit Zahrani,” shkroi ai. “Kushdo që ndodhet pranë elementëve të Hezbollahut, objekteve të tyre ose mjeteve të tyre luftarake, e ekspozon jetën e tij ndaj rrezikut.”

Grupi Hezbollah, i mbështetur nga Irani, ka njoftuar se ka lëshuar një breshëri raketash drejt Izraelit këtë mëngjes.

Në një postim në Telegram, grupi thotë se ka shënjestruar Kiryat Shmona, Kfar Giladi, Misgav Am dhe Margaliot në veri të Izraelit, pranë kufirit me Libanin.

“Ky reagim do të vazhdojë derisa agresioni izraelito-amerikan kundër vendit dhe popullit tonë të ndalet,” thuhet në postim.


Lajmi kryesor:

Bisedimet me Izraelin, Libani mohon njoftimin e Trump! Kina i kërkon Iranit të hapë Ngushticën e Hormuzit