POP 5

Lajmet më të lexuara të 5 minutave të fundit

Bota

Izraeli në prag të tronditjes politike, ligj që synon eliminimin e arabishtes si gjuhë zyrtare

Legjislacioni i propozuar, në formën aktuale, lejon implementimin e ligjit fetar hebraik në disa raste dhe eliminon arabishten si gjuhë zyrtare.
Izraeli në prag të tronditjes politike, ligj që synon eliminimin e arabishtes si gjuhë zyrtare

Kryeministri izraelit, Netaynahu

Izraeli është në prag të një tronditje të fortë politike, ndërsa partia qeverisëse kërkon që të miratojë legjislacion që do të lejonte krijimin e komuniteteve vetëm izraelite, diçka që kritikët e cilësojnë si fundi i shtetit demokratik.

Gjatë 5 viteve të fundit, politikanët kanë debatuar ashpër për detajet e ligjit që ka status të ngjashëm me kushtetutën dhe që Benxhamin Netanjahu kërkon të miratohet këtë muaj. Projektligji kontrovers e lejon shtetin që të autorizojë një komunitet të përbërë nga njerëz me të njëjtin besim fetar dhe kombësi që të ruajnë karakterin ekskluziv të komunitetit. Legjislacioni i propozuar, në formën aktuale, gjithashtu lejon implementimin e ligjit fetar hebraik në disa raste dhe eliminon arabishten si gjuhë zyrtare.

“Në demokracinë izraelite ne do të vazhdojmë të mbrojmë të drejtat e individit dhe të grupit, kjo është e garantuar. Por edhe shumica ka të drejta dhe shumica sundon”, deklaroi kryeministri Netanjahu më herët.

Vota për ligjin pritet javën e ardhshme, megjithëse drafti final ende nuk është gati. Kritikët e kanë krahasuar ligjin me aparteidin në Afrikën e Jugut dhe protestat ndaj tij nuk kanë munguar. Kundër detajeve të ligjit janë shprehur edhe presidenti i vendit dhe Prokurori i Përgjithshëm.

Kritikët thonë se ligji lejon krijimin e zonave të ndara bazuar në racë, fe apo kombësi dhe kjo është e papranueshme. Një pjesë e analistëve thonë se ligji me titullin Izraeli si ‘komb shtet për popullin hebre’ është mjaft i qartë në qëllimin e tij, ndërsa anëtarët e partisë “Likud” të Kryeministri, kanë akuzuar Presidentin e Prokurorin e Përgjithshëm që kanë harruar ADN-në e tyre përderisa kundërshtojnë ligjin./javanews/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça