POP 5

Lajmet më të lexuara të 5 minutave të fundit

Kronikë

Më i madh i 20 viteve të fundit, ja çfarë ka mbetur nga zjarri në Shkodër, 80 tregtarët të dëshpëruar kërkojnë ndihmën e shtetit (VIDEO)

80 tregtare të rrobave të përdorura, kërkojnë ndihmën e shtetit,pasi tregu në Shkodër është shkrumbuar totalisht.

Zjarri që ka rënë pasditen e 14 qershorit 2024 në tregun e rrobave të përdorura në Shkodër, është konsideruar si më i madhi në 20 vite.

Këtë e bëri me dije, shefi i repartit të zjarrfikësve Shkodër Bashkim Ramaj, i cili tha se në ndihmë për shuarjen e zjarrit kanë ardhur në ndihmë edhe forcat zjarrfikëse të Ulqinit dhe të Tivarit.

Problematik sipas tij, mbeten edhe parkimet e gabuara të makinave në rrugë, të cilat pengojnë mjetet zjarrëfikëse që të ndërhyjnë më shpejtë për të shuar zjarrin.

“Sa morën njoftimin kemi sjell 7 mjete zjarrëfikëse. Janë angazhuar të gjitha mjetet dhe na kanë ardhur në ndihmë edhe të qarkut Lezhe, Malësi e Madhe dhe forcat e Ulqinit dhe të Tivarit. Ishte një rast i vështirë sepse kishte shumë vrull, nuk kishte ndodhur ndonjëherë kjo. Është zjarri më i madh i 20 viteve të fundit. Parkingjet një problem serioz që pengojnë ndërhyrjen e zjarrfikësve në raste të tilla, qytetarët duhet që të jenë të ndërgjegjshëm që të mos parkojnë makinat vend e pa vend”, tha ai.

Nga ana tjetër, tregtarët kërkojnë ndihmën e shtetit për të rikthyer tregun dhe ti ndihmojë për të dalë nga kjo situatë.

“Kemi 22 vite që tregtojmë këtu”, tha një tregtre.

“Na është djegur i gjithë malli që kishim aty, çdo gjë është shkrumbuar”, tha një tregtare.

“Shteti të na ndihmojë. Të gjitha taksat i kemi paguar, kemi hedhur miliona këtu. Shyqyr që kemi shpëtuar vet, por shteti të mendoj sepse e kemi bukën e gojës. Një ditë pa punë, një ditë pa bukë. Jemi nga shtresë e lodhur, e kemi me djers dhe me gjak. Vini dorën në zemër për këto familje që janë në hall sot. Jam e shokuar”, tha një tjetër.

 

Lajm në përditësim...

S.B/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani: 15/06/2024 19:25

    Qeveria ose bashkia t,u japin ndonje grant a kredi me zero interes me se paku, se jane 80 familje qe do vuajne per jetesen, edhe gjithsesi do pwrfnundojne ne asistence sociale

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57