Ja cilat shtete të BE-së kanë
javën më të gjatë të punës

Me 35 orë pune, Franca ka javën më të shkurtër të punës në Evropë, por kjo vetëm ligjërisht. Në të vërtetë, francezët punojnë më shumë orë në javë sesa mesatarja e BE. Duke qenë që ka pasur protesta për ndryshimet në ligjin e punës në këtë vend, World Economic Forum ka dhënë një pamje të plotë sesa orë shpenzojnë punëtorët e BE-së, në punë, çdo javë.

Cili nga shtetet e BE-së ka javën më të gjatë të punës? 

Për francezët, ndryshimi ndërmjet orëve të kërkuara të punës, 35 dhe numrit të orëve që ata punojnë në të vërtetë, 37 e gjysmë, është dy orë e gjysmë, që është mbi mesataren e BE.

Nuk është Franca, por Greqia që kryeson listën, megjithatë, ku grekët punojnë 42 orë në javë sipas të dhënave të vitit 2013 nga OECD. Në Portugali dhe Spanjë, sërish, punohet më shumë sesa mesatarja e BE-së.

Megjithë kufirin prej 48 orësh në javë në Mbretërinë e Bashkuar, britanikët punojnë më pak sesa 37 orë në javë mesatarisht. Gjermanët gjithashtu kanë javë relativisht të shkurtra pune: pothuajse dy orë më pak sesa mesatarja e BE-së. Megjithatë, Gjermania është vlerësuar sërish si një nga shtetet më konkurruese në botë në vitin 2015.

Por është një shtet që ka javën më të shkurtër të punës. Ky është Holanda, që e mbyll punën 12 orë më herët sesa Greqia, çdo javë.

Kjo mund të shpjegohet nga një numër i madh holandezësh që punojnë part time. Në Holandë, më shumë sesa gjysma e gjithë punëtorëve punojnë part -time, ndërsa në BE kjo ndodh për një të pestën e popullsisë që punon.




Redaksia Online
(M.Ç/shqiptarja.com)