Ja kush ishte spiuni i Francës që
zbuloi formacionin e Shqipërisë

Trajneri i kombëtares së të rinjve të U-19 të Francës, Patrick Gonfalone është spiuni i trajnerit Didier Deschamps për gjithçka që ndodh në ekipin kombëtar të Shqipërisë.
 
Didier Deschamps ka në dispozicion 4 trajnerë për të ndjekur kundërshtarët dhe studiuar hapa pas hapi në mënyrë që të përgatisë sa më mirë strategjinë për përballjet e ardhshme në fazën e grupeve dhe më tej.
 
Patrick Gonfalone i është lënë në patronazh Shqipëria dhe prej disa javësh e ka studiuar deri në detaje nga ndeshjet miqësore me Katarin e Ukrainën, deri te sfida e parë në Lens përballë Zvicrës në Euro 2016.
 
Sot Patrick Gonfalone pritet ti prezantojë trajnerit Didier Deschamps raportin e detajuar me të gjitha pikat e dobëta dhe të forta për ndeshjen e së mërkurës, që tekniku i ‘gjelave’ të marrë masat.
 
Megjithatë raporti i spiunit Patrick Gonfalone nuk do te jete i plote, pasi edhe vetë De Biasi ende nuk e ka të qartë se cilin do të vendosë në krah të Mavrajt, Ajetin apo Kukelin përballë Francës pas mungesës së Canës.


Faksimile e lajmit për spiunin Patrick Gonfalone​ te kombëtarja shqiptare


d.b/shqiptarja.com