Ja piktura e Kodrës
që bleu Hetem Ramadani

Javën e shkuar shqiptarja.com publikoi lajmin mbi ankandin e zhvilluar nga fondacioni Fëmijët Shqiptarë me presidente zonjën Liri Berisha, ku një pikturë e Ibrahim Kodrës u ble nga biznesmeni i njohur Hetem Ramadani kundrejt një shumë prej 140 mijë eurosh.

Pas një investigimi të kujdeshëm, më në fund shqiptarja.com po publikon edhe pikturën e Ibrahim Kodrës, e cila duket se ja vlen aq sa u shit.

Hetem Ramadani është një koleksionist i mirëfilltë i veprave të artit dhe shpesh ai nuk kursehet për të marrë në pronësi vepra të ndryshme, pavarësisht kostos së tyre financiare. Ndoshta kjo pikturë e Kodrës do të jetë xhevahiri i koleksionit të tij personal.