Ja pronat e lira për kompensim
fizik, emrat e të gjithë fshatrave

TIRANE - Qeveria ka miratuar në një mbledhjet e fundit 23 mijë hektarë tokë bujqësore për kompensimin fizik të ish-pronarëve. Ky vendim ka hyrë dje në fuqi, pas publikimit në Fletoren Zyrtare. Në dispozicion të Agjencisë së Kthimit dhe Kompensimit të Pronave kanë kaluar një numër i madh tokash arë, si dhe rrallë pemishte apo ullishte, në pronësi shtetërore, që u ishin dhënë më parë në përdorim njësive të qeverisjes vendore.

Me anë të këtij vendimi, njësive të qeverisjes vendore u shfuqizohet e drejta e përdorimit për këto pasuri. Pronat ndodhen në qarqet Elbasan, Korçë, Berat dhe Gjirokastër, kryesisht në zona malore, si në Mokër, Skrapar apo Zagori, por dhe në fshatin Lin të Pogradecit, buzë liqenit.