Sa herë që luhet një kompeticion i rëndësishëm ndërkombëtar, është ngacmuese ideja si do të ishte lista e 23 lojtarëve, nëse ish-Jugosllavia do të ekzistonte ende. Dhe Botërori i Rusisë nuk bën përjashtim.
Është klisheja e zakonshme që përsëritet: do të ishte një skuadër shumë e fortë. Lista hipotetike e ish-Jugosllavisë do të kishte lojtarë shumë të fortë, nga të shtatë vendet që e përbënin atë, duke përfshirë edhe Kosovën.
Pak a shumë, lista do të ishte kjo:
Portierë: Begoviç (Bosnjë Bournemouth); Oblak (Slloveni, Atletiko Madrid); Subashiç (Kroaci, Monako).
Mbrojtës: Ivanoviç (Serbi, Zenit); Kolarov (Serbi, Roma); Kolashinac (Bosnjë, Arsenal); Lovren (Kroaci, Liverpul); Saviç (Mali i Zi, Atletiko Madrid); Vida (Kroaci, Beshiktash); Vrsaljko (Kroaci, Atletiko Madrid).
Mesfushorë: Bardhi (Maqedoni, Levante); Berisha (Kosovë, RB Salcburg/Sampdoria), Iliçiç (Slloveni, Atalanta); Kampl (Slloveni, Lajpcig; Matiç (Serbi, Mançester Junajtid); Milinkoviç-Saviç (Serbi, Lacio); Modriç (Kroaci, Real Madrid); Perishiç (Kroaci, Inter); Pjaniç (Bosnjë, Juventus); Rakitiç (Kroaci, Barcelona); Tadiç (Serbi, Southampton).
Sulmues: Xheko (Bosnjë, Roma); Manxhukiç (Kroaci, Juventus).
Duke parë këta emra, mund të bësh llogaritë për formacionin ideal. Trajner mund të vini kë të doni. Skema më e mirë do të ishte 4-3-2-1, apo skema në formë bredhi. Në portë slloveni Oblak, më i miri i momentit. Përpara tij kroati Vrsaljko në të djathtë, malazezi Saviç dhe kroati Vida në qendër, dhe serbi Kolarov në të majtë.
Në mesfushën me tre lojtarë do të luanin serbi Matiç, boshnjaku Pjaniç dhe kroati Modriç. Pas sulmuesit të vetëm, boshnjakut Xheko, do të luanin serbi Milinkoviç-Saviç dhe kroati Rakitiç. Të tjerët në stol.
Jugosllavia (4-3-2-1): Oblak; Vrsaljko, Saviç, Vida, Kolarov; Pjaniç, Matiç, Modriç; Rakitiç, Milinkoviç-Saviç; Xheko./ Tema
A mund te na tregoni kush e ka perpiluar kete raport ?
Përgjigju