Teksa po afrohet Kampionati Europian, Bashkia e Tiranës ka menduar që këtë vit të bëjë një organizim special edhe për faktin që Shqipëria merr pjesë për herë të parë në një kompeticion të tillë. 

Kryetari i Bashkisë, Erion Veliaj, përmes një postimi në rrjetin social Facebook ka prezantuar me anë të një video se si do të duket sheshi gjatë muajit të Europianit. 

“Edhe Tirana do ketë një Fan Zone si çdo kryeqytet Europian për të parë ndeshjet e brohoritur Kuqezinjtë në Francë! Ju presim të gjithëve me fëmijët e familjet në TIRANA FAN ZONE, sheshi Nënë Tereza 10 Qershor - 10 Korrik! Forca Shqipëria”, ka shkruar Veliaj.