Pavarësisht humbjes së mbrëmjes së sotme përballë Francës 2:0, kombëtarja shqiptare është ende në lojë për të kaluar fazën e grupeve.
 
Nga gjashtë grupet e këtij Europiani, katër vendet e treta më të mira do të kualifikohen për në fazën e 1/8-ave.
 
Një fitore e kuqezinjve përballë Rumanisë të dielën në orën 21:00, do të rriste maksimalisht shanset për të prekur fazën e ndeshjeve me eliminim direkt.
 
Kualifikimi është ende i hapur. Kuqezinjtë kanë zero pikë pas dy ndeshjeve me Zvicrën dhe Francën, me një golavarazh 0:3. 

Redaksia Online
Shqiptarja.com