“Është e ditur tashmë se një karrierë në opera kërkon më shumë se sa një zë të bukur. Gjithashtu është e rrallë që një artist të shpërfaqë brendinë e tij tek publiku përmes këndimit dhe aktrimit njëkohësisht. U prezantua në këtë formë sopranoja shqiptare Ermonela Jaho këtë fillim jave teksa u përzgjodh si “Këngëtarja më e Mirë Femër” për vitin 2024 nga “Oper a Awards”.
Bëhet fjalë për çmimet e rëndësishme ndërkombëtare që jep Gjermania çdo vit, përgjatë një galaje ku paraqiten performancat e krijimet më të mira të skenës operistike, për artistët që punojnë para dhe pas kuintave.
“Është gjithmonë kaq emocionuese të ecësh në skenë, por para së gjithash dua të falënderoj jurinë e Opera Awards për këtë vlerësim, publikun tim, menaxherin tim, kolegët e mi, secilin, sepse mendoj që arti ynë, muzika, opera pa shpirtin tonë si artistë, që reflektohet në shpirtin tuaj si publik, nuk do të mbijetonte”, u shpreh Jaho.
Jaho gjatë fjalës së saj solli në vëmendje herën e parë kur pa një opera në Teatrin e Operas në Tiranë, ndërsa më pas performoi për publikun e Operas Kombëtare të Holandës në Amsterdam ku edhe u mbajt ceremonia e vlerësimeve për ato që konsiderohen edhe si “Oscar” i Gjermanisë.
“Jam shumë e emocionuar, sepse duke shkuar pas në kohë, më vjen ndër mend që herën e parë që pashë një opera isha 14-vjeç në Shqipëri dhe rashë në dashuri menjëherë me të. Për mua ishte diçka magjike, diçka e mrekullueshme që mbase më bënte pak edhe melankolike njëkohësisht. I premtova vetes atë natë se do të bëhesha këngëtare opere dhe se nuk do të ikja nga kjo botë pa kënduar se paku një herë në jetën time në skenë. Dhe a e dini, të kthehesh pas në kohë në një kohë që jam duke marrë këtë vlerësim është kaq emocionuese. Udhëtimi ka qenë shumë i gjatë, i bukur, i mbushur me vështirësi, por mbi të gjitha magjik! Është i tillë ende sot. Faleminderit shumë! Opera do jetojë me ne, sepse është gjuha e shpirtit tonë. Për mua ky rrugëtim u shndërrua në një udhëtim shpirtëror”, shtoi sopranoja.
Çmimet “Opera Awards” prezantohen në 20 kategori nga një juri e përbërë nga gazetarë dhe muzikantë.
Komente
Lajme të tjera
-
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Volkswagen do të mbyllë tre fabrika në Gjermani, pritet shkarkimi nga puna i mijëra punonjësve
28 Tetor, 17:57 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
‘Kurthi i vdekjes’, investigimi i BBC për trafikun e klandestinëve nga Gjermania në Angli! Lojëra si 'macja me miun' me policinë, çfarë rrëfejnë kontrabandistët
25 Tetor, 11:38 -
Gjermania përuron selinë detare të NATO-s në Detin Baltik
22 Tetor, 15:59 -
Kaos a bashkëpunim? Dilema e Ballkanit Perëndimor
20 Tetor, 17:22 -
Arrestohet i riu nga Libani në Berlin, po planifikonte sulm terrorist ndaj ambasadës së Izraelit
20 Tetor, 07:56 -
Vizita e Presidentit Biden në Gjermani, bisedime për Lindjen e Mesme dhe Ukrainën
18 Tetor, 21:48 -
Basha në Bundestag me Stefan Kaufmann: Dënimi i Salianjit rast i paprecedent, drejtësia në presion politik! Përpjeke për pazar të ri Rama-Berisha
18 Tetor, 16:14 -
Biden në Berlin/ Takim me liderët e Europës për situatën e luftës në Ukrainë
18 Tetor, 11:15 -
Biden udhëton për në Berlin/ Takim me liderët europianë, fokusi kryesor, Ukraina
17 Tetor, 14:51 -
Gjermania ofrohet të ndihmojë Shkupin drejt anëtarësimit në BE
16 Tetor, 17:38
Gjithmone vijne lajme te bukura nga diva Ermonela Jaho ,si kolateral per krenarine tone kombetare dhe artin operistik shqiptar. Mirenjohje Ermonela.
Përgjigju