POP 5

Lajmet më të lexuara të 5 minutave të fundit

Kronikë

Jaht me drogë në Pulja,kapen 4 t
marijuanë, pranga 3 shqiptarëve

Duket se tashmë është gjetur një mënyrë e re për të transportuar lëndë narkotike drejt brigjeve italiane. Gomonia tashmë është një modë e vjetër. Trafikantët kanë gjetur mënyra më të sofistikuara dhe luksoze, të transportosh drogë me jaht. VIDEO  FOTO
Një sasi rekord droge prej katër ton është sekuestruar nga një operacion i përbashkët i policisë shqiptare, italiane dhe Guardia di Finanza në një Yaht të drejtuar nga tre shqiptar me inicialet F.M, E.V dhe E.M të cilët u vunë në pranga.

Droga është sekuestruar në afërsi të Manfredonias në Foggia ndërsa mjeti luksoz lundonte në det me flamur amerikan.

Sipas policisë shqiptare nuk ka të dhëna që lidhin drogën me territorin shqiptar por hetimet po kryhen intensivisht për të pare se cili është aktiviteti i tre të arrestuarve.

“Në orët e para të mengjesit nga ana e GdF Italiane u be i mundur ndalimi dhe sekuestrimi i një Yacht-i me flamur të SH.B.A.(Delaëare).Si rezultat i ndjekjes nga skuadrat e GdF dhe me suport ajror u bë e mundur bllokimi i mjetit lundrues.Në ekuipazhin e mjetit lundrues tre shtetas shqiptarë.Mjeti lundrues u kap në ujërat territoriale Italiane në zonën e Viestes.Hetimet paraprake tregojnë se ky mjet lundrues nuk ka shkelur ujëra shqiptare. Policia e Shtetit po bashkëpunon ngushtë me Guardia di Finanza dhe Policinë Italiane si dhe po shkëmben informacione intensivisht me Policinë Malazeze për zbardhjen e këtij trafiku" thuhet në njoftimin për mediat.

Ky mjet lundrues Yaht nuk ka prekur në ujërat territoriale shqiptare sqaron policia por njëherazi hetimet po kryhen dhe për lëvizjet e tyre të fundit pasi dyshohet se ata janë më banim në vende të ndryshme të BE-s dhe kanë shmangur sistemin tims të hyrje daljeve në territorin shqiptar.

Droga në treg do të kapte një vlerë tregu rreth 30-35 milion euro, ndërsa kjo është sasia e dytë rekord në harkun kohor të 5 ditëve në brigjet italiane.

Pak ditë më parë u kap një sasi prej 2.3 ton në bordin e një furgoni me një italian dhe një 24 vjeçar shqiptar. Për afro dy orë në det të hapur u ndoq dhe skafi që dërgoi drogën e sekuestruar por ai mundi të largohej dhe policia sqaroi se nuk kishte asnjë të dhënë që droga ishte dërguar nga Shqipëria.
 

[gallery]23767[/gallery]
droga itali
 
Redaksia Online
e.m/Shqiptarja.com

/Shqiptarja.com
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

24 Janar, 14:01