'Jam ish-agjent i CIA-s, pjesë e Cosa Nostra!' Izet Haxhisë i vjen me postë kërcënimi nga i dënuari për vrasje

TIRANE - Neim Behari një i dënuar në burgun e sigurisë së lartë në Drenovë të Korçës për vrasje, ka kërcënuar përmes një letre, Izet Haxhinë, gjithashtu i burgosur, tek 302-shi në Tiranë, për vrasjen e ish-dhjetoristit, Azem Hajdari, ngjarje për të cilën ka rinisur procesi gjyqësor pasi Haxhia nuk ka pranuar  asnjëherë fajësinë.

Neim Behari, me origjinë nga Berati, i cili në letrën e tij përmend edhe një emër grek Nikos Kostancinos pasi pretendon se ka shtetësi greke, thotë se do të vrasë Izet Haxhinë pasi ky i fundit ka shpikur dhe ka fyer, Marsida Xhaferllain, të cilën thotë se e ka mikeshë. Marsida Xhaferllari u zgjodh nga Presidenti Ilir Meta për gjyqtare në Kushtetuese. Nga burgu i Drenovës ai ka shkuar një letër dhe ia ka dërguar Izet Haxhisë në burgun tek "Mine Peza" në Tiranë, më datë 21 janar 2020, letër e cila është bërë publike nga avokati i Haxhisë, Idajet Beqiri, edhe ky i fundit i kërcënuar, siç lexohet në letër. Neim Behari, në letër thotë se është ish-oficer i CIA-s dhe pjesë e mafies Cosa Nostra.

"Para dy muajsh ke folur edhe për mikeshën time Marsida Xhaferllarin ke thënë gjasme ka bredhur në Turqi me F.K e ke pas fjalën për Fatmir Kajollin nga Fieri. O tropojan motër*** gjatë kësaj kohë unë kam bërë disa verifikime për ty dhe po më del se ti ke shpifur dhe fyer në media mikeshën time Marsida Xhaferllari. Unë jam beratas me origjinë, me shtetësi greke, jam për dy vrasje në burg, më kanë ngelur 2 vjet e 5 muaj. Jam ish-oficeri i CIA, e njëkohësisht anëtar i Cosa Nostras. Marsida Xhaferllari është mikesha imja, është edhe grua me fëmijë. Unë për Marsidën të bëj copa edhe mish të pjekur. Këlysh i Ramës në burg do i lësh kocakat", shkruan ai në letër.

Por emri i Neim Beharit ësht ëi njohur sa i përket kërcënimeve. Ai ka kërcënuar me telefonatë nga burgu, edhe drejtorin e Përgjithshëm të Burgjeve, Agim Ismaili, si edhe shumë raste të tjera gjyqtarësh e prokurorësh. Më së fundi në muajin nëntor, ai kërcënoi gjyqtarin e Korçës Markelian Kuqo, i cili i kishte refuzuar Neim Beharit, kërkesën për transferimin e tij nga burgu i Drenovës në një burg tjetër.

Neim Behari, është dënuar dhe vuan dënimin në burgun e sigurisë së lartë në Drenovë të Korçëspër  “Vjedhjes me pasojë vdekjen”, të një taksisti në Fier. Por, Genci Fejzollari drejtori i burgut Drenovë ka deklaruar në rastin e kërcënimit të gjyqtarit Kuqo, se i dënuari Neim Behari "vuan nga sëmundja mendore e skizofrenisë" dhe theksohet se "bashkëpunimi me këtë shtetas është i pamundur".

Izet Haxhia: Jam dëshmitar okular, në vitin 2000, Marsida Xhaferllari në hotel në Turqi me kriminelin...më takuan të dy

Por çfarë akuze bëri Izet Haxhia në muajin nëntor për Marsida Xhaferllarin?

Ai tha se ka qenë dëshmitar okular kur në vitin 2000, Marsida Xhaferllari, kur ishte gjyqtare në Fier, është takuar në një hotel në Turqi me një kriminel të rrezikshëm, të cilit ai i jep vetëm inicialet, F.K. Izet Haxhia tha të dy ata e kanë takuar në hollin e një hoteli në Turqi, kur ky i fundit ishte në arrati, para se të vetëdorëzohej së fundi e të ekstradohej në Shqipëri ku ka rinisur procesi gjyqësor për vrasjen e ish-dhjetoristit, Azem Hajdari.

"Ky dëshmitar okular, i cili ka parë me sytë e tij gjithçka dhe që ka biseduar sy më sy me protagonisten e ngjarjes, për shkak të pozitës izoluese që ka sot, më autorizoi të pyesim drejtpërdrejtë Marsida Xhaferrllarin: A keni mbajtur ju marrëdhënie të ngushta dhe a keni qenë e lidhur me botën më të rrezikshme të krimit në kohën që ishit gjyqtare në Gjykatën e Rrethit Gjyqësor Fier?

A keni udhëtuar dhe a keni qëndruar ju në ATAKOY të Stambollit në Hotelin Hollidey Inn, në vitin 2000 në Stamboll të Turqisë me një kriminel të rrezikshëm, F.K, sa ditë keni qëndruar aty dhe çfarë ju lidhte juve me të? A jeni takuar ju dhe F.K në barin e këtij Hoteli me dëshmitarin Izet Haxhiaj dhe çfarë keni biseduar me të?! Shqipëria dhe shqiptarët nuk e meritojnë të poshtërohen dhe të denigrohen deri në këtë shkallë, sa të përtypin këtë akt kaq antimoral dhe të pashembullt të një palo presidenti që e bëri zhele institucionin më të rëndësishëm të shtetit", shkruante avokati Idajet Beqiri me autorizim të Izet Haxhisë.

Letra e plote e Neim Beharit per Izet Haxhina

Izet Haxhia

Kur** unë që po të sjell këtë letër jam tek burgi i Korçës. Ti motërq**r para dy muajsh ke folur edhe për mikeshën time Marsida Xhaferllarin ke thënë gjasme ka bredhur në Turqi me F.K e ke pas fjalën për Fatmir Kajollin nga Fieri. O tropojan motër*** gjatë kësaj kohë unë kam bërë disa verifikime për ty dhe po më del se ti ke shpifur dhe fyer në media mikeshën time Marsida Xhaferllari. Unë jam beratas me origjinë, me shtetësi greke, jam për dy vrasje në burg, më kanë ngelur 2 vjet e 5 muaj. Jam ish-oficeri i CIA, e njëkohësisht anëtar i Cosa Nostras. Unë do të q* motrën ty dhe Idajet Beqirit. Marsida Xhaferllari është mikesha imja, është edhe grua me fëmijë e ty do të q* motrën o tropojan, o kur** se tropojanët i kanë gratë motrat e kur***. Unë për Marsidën të bëj copa edhe mish të pjekur. Këlysh i Ramës në burg do i lësh kocakat.

Koalicioni Ndërkombëtar Anti-terroriste, Sakra Katerina and Cosa Nostra
Gjenerali
Nikos Kostancinos
Neim Behari
Drenovë, Korçë 21 janar 2020

Letra e Neim Beharit per Izet Haxhine, publikuar nga avokati Idajet Beqiri

G.M./Shqiptarja.com

TAG:
• Kercenim
• izet haxhia
• idajet beqiri
• marsida xhaferrllari
• neim behari