Janari ishte muaj më i nxehtë i regjistruar ndonjëherë në botë, duke ngritur pyetje mbi ritmin e ndryshimeve klimatike, raportojnë shkencëtarët.
Sipas të dhënave të shërbimit evropian të klimës Copernicus, janari 2025 ishte afërsisht 0.1°C më i ngrohtë se ai i 2024-ës, pavarësisht pritshmërive që temperaturat do të ishin më të ulëta për shkak të ndikimit të fenomenit natyror La Niña, shkruan BBc në një artikull të botuar.
Ky zhvillim vazhdon një seri temperaturash rekord që nga mesi i vitit 2023, me një rritje mesatare prej 0.2°C mbi pritshmëritë.
“Arsyeja kryesore pse kemi thyer rekorde dhe kemi një prirje të gjatë të ngrohjes është rritja e gazrave serrë në atmosferë”, tha Gavin Schmidt, drejtor i Institutit Goddard për Studimet Hapësinore të NASA-s.
“Nëse do të më pyesnit disa muaj më parë, do të kisha thënë se janari 2025 do të ishte më i freskët se ai i 2024-ës”, tha Adam Scaife, kreu i parashikimeve afatgjata në Zyrën Met të Mbretërisë së Bashkuar. “Por tani e dimë që nuk është - dhe nuk e dimë vërtet pse.”
Shkencëtarët po shqyrtojnë disa teori për të shpjeguar këtë nxehtësi të pazakontë, përfshirë një efekt të zgjatur të El Niño 2023-2024, ndryshime të mundshme në sjelljen e oqeaneve dhe reduktimin e grimcave të aerosoleve në atmosferë.
Një teori sugjeron se El Niño i fundit mund të ketë lejuar nxehtësinë e grumbulluar në oqean të lirohet më shumë në atmosferë. Megjithatë, disa shkencëtarë argumentojnë se ky efekt duhet të ishte zbehur tashmë.
Një tjetër faktor mund të jetë ulja e grimcave të aerosoleve, të cilat tradicionalisht kanë ndihmuar në reflektimin e rrezeve të diellit dhe në ftohjen e klimës. Ulja e tyre vjen si pasojë e reduktimit të ndotjes industriale, sidomos në sektorin e transportit dhe në Kinë.
Sipas shkencëtarit James Hansen, ky faktor mund të ketë një ndikim më të madh se sa ishte parashikuar më parë, duke përshpejtuar efektin e ngrohjes globale.
Shumica e studiuesve besojnë se viti 2025 mund të përfundojë pak më i freskët se 2023 dhe 2024, por e pranojnë se nuk janë të sigurt, citon BBC.
Ajo që dihet me siguri është se, nëse emetimet e gazrave serrë nuk reduktohen, ngrohja globale do të vazhdojë të intensifikohet.
Komente
Lajme të tjera
-
Parashikimi i motit/ E hëna nis e kthjellët, mbrëmja do të jetë me reshje të pakta
10 Mars, 07:16 -
Parashikimi i motit/ E diela me diell, në mbrëmje shtohen vranësirat
9 Mars, 08:58 -
Diell dhe rritje temperaturash, parashikimi i motit për sot
5 Mars, 08:23 -
Studimi i ri: Evropa do të ketë miliona vdekje nga i nxehti
1 Mars, 19:29 -
Pse Janari konsiderohet si muaji më stresues i vitit
8 Janar, 19:07 -
I nxehtë përvëlues ‘pushton’ Australinë, temperatura arrijnë deri në 47 gradë celsius
16 Dhjetor 2024, 16:10 -
Diell dhe temperatura deri në 28 gradë, parashikimi i motit për sot
15 Tetor 2024, 07:21 -
Vera 2024, më e nxehta e regjistruar ndonjëherë në Europën Juglindore
26 Shtator 2024, 22:20 -
Mesdheu: Vapa përvëluese po kthehet në normalitetin e ri
19 Gusht 2024, 14:26 -
Studimi: 47.000 viktima të vapës në Europë vitin e kaluar
14 Gusht 2024, 15:35 -
Temperaturat e larta, Veliaj apel qytetarëve: Shmangni lëvizjet gjatë orëve të pikut, ndaloni te 'Çadra e Kujdesit' për ujë dhe për të matur tensionin
30 Korrik 2024, 10:12 -
Bashkia e Tiranës ngre Çadrën e Kujdesit në sheshin 'Skënderbej', Veliaj: Matje tensioni dhe ujë falas për qytetarët
20 Korrik 2024, 10:29
