POP 5

Lajmet më të lexuara të 5 minutave të fundit

Ekonomi

Janar-nëntor, të ardhurat u rritën me mbi 63 miliardë lekë! Euro preku importin, 3.6 mld lekë më pak të ardhura doganore

Përmirësimi i aktivitetit të bizneseve dhe rritja e rrogave të administratës, ndikuan në shtimin e të ardhurave në buxhetin e shtetit. Në 11 muaj janë mbledhur mbi 586 miliardë lekë, ose 63 miliardë më shumë se vjet. Por në rënie janë të ardhurat doganore, kryesisht prej zhvlerësimit të euros dhe dollarit.

Ekonomia e vendit ka regjistruar ecuri pozitive përgjatë muajve të vjeshtës, pasi të ardhurat janë rritur, përpos goditjes së marrë nga kursi i këmbimit që ka ulur arkëtimet doganore.

Sipas të dhënave të Ministrisë së Financave nga janari deri në fund të muajit nëntor janë arkëtuar 586.38 miliardë lekë duke u rritur me +63.48 miliardë lekë ose +12.1% më shumë se vitin e kaluar.

Gjatë kësaj periudhe të ardhurat doganore arritën në 197.5 miliardë lekë, ose 3.6 miliardë lekë më pak se në të njëjtën periudhë të vitit të kaluar. Ndikimin më të madh në rënien e të ardhurave doganore e ka dhënë TVSH-ja në import, e cila është në rënie me 7.4 miliardë lekë krahasuar me 11 muajit e vitit të kaluar. Ky mosrealizim i të ardhurave lidhet kryesisht me zhvlerësimin e monedhave të huaja, dhe rënien e lehtë të çmimeve të importit në krahasim me vjet. Në rënie janë edhe arkëtimet nga renta minerare me 1.2 miliardë lekë.

Ndërsa të ardhurat nga akciza janë në rritje me 4.3 miliardë lekë në raport me vitin 2022, dhe kanë kapur vlerën 53 miliardë lekë, por që nuk është realizuar plani i financave. Po ashtu janë rritur lehtë të ardhurat nga taksat doganore.

Kurse sa i takon të ardhurave tatimore janë rritur me 50.7 miliardë lekë krahasuar me vitin e kaluar, dhe në total përgjatë 11 muajve janë arkëtuar 314.8 miliardë lekë, dhe rritja më e madhe është regjistruar tek tatimi mbi fitimin, që lidhet me përmirësimin e aktivitetit të bizneseve, ndikuar edhe nga bumi turistik si edhe tatimi mbi të ardhurat personale, për shkak rritjes së rrogave të administratës.

Kurse në kahun e shpenzimeve, nuk është arritur plani i Ministrisë së Financave, dhe në total janë harxhuar vetëm 548.6 miliardë lekë ndërsa plani me aktin normative të qeverisë ishte për 572.7 miliardë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush kë do të forcojë më shumë protesta e 7 tetorit?

Lajme të tjera



×

Lajmi i fundit

Milani humbet dy penallti, De Gea hero! Fiorentina fiton 2-1 kundër kuqezinjve

Milani humbet dy penallti, De Gea hero! Fiorentina fiton 2-1 kundër kuqezinjve

6 Tetor, 22:42