Ariedo Braida, ish-konsulent i merkatos te Barcelona dhe ish-menaxher te Milani, për ‘Mundo Deportivo’, ka folur në lidhje me dy emrat që lidhen me një transferim te Barcelona, Lautaro Martinez dhe Miralem Pjanic.
Për Braida-n kalimi i këtyre dy lojtarëve te Barcelona do ishte goditja ideale për katalanasit.
Konkretisht ai u shpreh: “Të dy ata janë lojtarë të përsosur për Barcelonën. Lautaro është i ri dhe mund të rritet shumë. Ai është profili i duhur për lojën e tyre, ka cilësi, talent dhe e njeh mjaft mirë portën. Përsa i përket Pjanic ai është një mesfushor i zhanrit Iniesta apo Xavi, ndoshta jo i nivelit të tyre, por me një prekje të shkëlqyeshme të topit dhe inteligjencë të madhe teknike.”
![](https://shqiptarja.com/template/img/NO_ALFA_Kuadrate shqiptarja.png)
Pjanic mund të shkojë në Barcelonë si një shkëmbim me mesfushorin katalanas Arthur, ndërkohë që raportimet e fundit thonë se ‘zonja e vjetër’ po mban nën vëzhgim edhe Ansu fatin.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)