Boksieri i mirënjohur shqiptar Nuri Seferi ka reaguar ndaj epitetit të vendosur nga ministrja e Brendshme maqedonase e cila i quante shqiptarët indianë e njerëz të egër.
Përmes një thirrje në rrjetet sociale, boksieri ka bërë thirrje që të mos lëkundet krenaria shqiptare dhe njëherë e përgjithmonë të bëhen bashkë të gjithë shqiptarët.

Postimi i i plot i Nuri Seferit në rrjetin social "Facebook"
“Krenarine time që jam Shqiptar nuk do mund ta lekund askush e aq me pak do ardhacak të pavler të ardhur nga Karpatet e Rusisë. Aq më pak te toleroj nje lavire (ministresh ) qe cdo dit fyen shqiptaret ne menyre te ndryshme. A ka mbetur pak vetdijesim tek ne. A thu aj gjak ndër shekuj për cfar u derdh o Shqiptaret e mi. Pash Besën e Shqiptarit vetëdijësohuni e behuni një herë bashkë, i madh e i vogel, e të tregojmë grushtin tonë të fort që siç duket e kemi humbur apo e kemi shitur. Zgjohuni nga ky gjumë hatri i atyre dëshmorëve që lanë fëmijët, gratë dhe nënat e tyre për të sjellur lirin tonë. Ndersa sot ju politikanet shqiptar po shkelni mbi gjakun e tyre , Ku vazhdimisht lejoni te na ofendojn e te na turperojnë këto sllav që skan as histori as kultur e as dinjitet. Më Respekt : Nuri Seferi”, thuhet në postimin e kampionit të mirënjohur të boksit.

Nuri fb
 
Një ditë më parë partia opozitare LSDM kishte publikuar një bisedë tjetër telefonike me përmbajtje skandaloze, ku sipas kësaj partie dëgjohet ministrja e Brendshme, Gordana Jankullovska duke ofenduar rëndë shqiptarët dhe funksionarët e BDI-­së.

Në këtë bisedë, Ministrja Jankullovska dëgjohet duke i quajtur ‘fis i egër’ dhe ‘indianë’ zyrtarët shqiptarë në qeveri teksa shpreh nervozizmin e saj nga komunikimi me zv/kryeministrin Musa Xhaferi lidhur me zbatimin e një marrëveshjeje.

Biseda mes ministres se brendshme Gordana Jankullovska dhe shefit te sherbimit sekret, Sasho Mijallkov:
Ajo në këtë bisedë partinë shqiptare që e ka partnere të koalicionit BDI-në e krahason me fis të egër apo indianë.
 
Mijallkov: Cka janë ato probleme nga mëngjesi ?
 
Jankullovska: A pe, i zgjodhëm më në fund. Indianë, çka janë. çka të them. Indianë.
 
Mijallkov: Indianë, a. Mua më kërkuan që nga mëngjesi në ora 09.00.
 
Jankullovska: Po për këtë të kanë kërkuar, por të dish. Mbrëmë mu lajmërua Musa. Unë i thash. Musa, sipas ligjit, për punë të tillë patjetër duhet të ketë konkluzë ose vendim të Qeverisë. Në këtë rast konkret duhet konkluzion. Dhe për këtë i thash se ja serbët vijnë në Zebërnjak, dhe ka pasur konkluzë nga Qeveria. Bullgarët transit kalojnë për në Tiranë…
 
Mijallkov: Dhe çka të kushton për të pasur kujdes me procedurën ?
 
Jankullovska: Po fis i egër,  Sasho. Dhe pastaj, hajde, u gjet. Unë i them se nuk mund t'i lejojmë….
 
Redaksia Online
(a.h/shqiptarja.com)