Janusz Bugajski: Nëse në Tiranë ndodhin trazira, ato kanë sponsor Rusinë

Janusz Bugajski, ekspert për Ballkanin në Qendrën për Analiza të Politikës Evropiane (CEPA) me seli në Uashington, në një intervistë të botuar në Angjecinë e lajmeve Iliria me titull: Trazirat nëse ndodhin, kanë sponsor Rusinë, thotë se: “Rusia do të jetë përfituesi kryesor ndërkombëtar nëse Shqipëria do të përfshihej nga konfliktet e brendshme dhe paqëndrueshmëria.”

“Kur institucionet dobësohen, ligji dhe rendi prishen” - shkruan Bugajski, “fraksionet politike në konflikt bëhen më të hapura ndaj ndihmës së të huajve dhe Rusisë ka mundësinë të rrisë ndikimin e saj. Nga pikëpamja propagandistike dhe e dezinformimit, Rusia do ta përshkruajë dhunën politike ose rënien institucionale në Shqipëri, si një dështim tjetër të Perëndimit. Nëse një Shqipëri vendosmërisht pro-amerikane nuk mund të garantojë siguri dhe stabilitet, atëherë mund të thuhet se asnjë vend nuk mund të mbështetet te Uashington si te një mik dhe aleat i ngushtë”

Po sipas Bugajskit, “paqendrueshmeria politike dhe trazitat e dhunshme, që gjenerojnë një Shqipëri të paqëndrueshme, do ta ndihmonin Moskën edhe për të destabilizuar dhe delegjitimizuar Kosovën si një shtet të pavarur. 

Duke u thelluar në analizën e tij, ekspert për Ballkanin në Qendrën për Analiza të Politikës Evropiane, e sheh ndikimin e situatës së paqëndrushme në Shqiperi, si shkak edhe për destabilizimin e Rajonit. Sipas Bugajskit, “ Kriza në Shqipëri do të përdorej nga Moska edhe për të destabilizuar Maqedoninë e Veriut si dhe mund të ‘eksportohet’ edhe në Mal të Zi, pasi Putini mund të kërkojë të hakmerret për grushtin e dështuar të shtetit të orkestruar nga ai kundër qeverisë pro-perëndimore në tetor 2016. 

Në artikullin e botuar në Angjecinë e lajmeve Iliria, Bugajsi shkruan gjithashtu se: Trazirat e stërzgjatura tashë në Shqipëri, do ta ndihmojnë Rusinë të përdorë pasigurinë politike, “për të zgjeruar shtrirjen e tyre, për t’i dhënë ryshfet ose për t’i shantazhuar shënjestrat e tyre politike”. 

Bugajsi thotë gjithashtu se trazirat, do ta shndërronin Shqipërinë nga një aleat i besueshëm i Amerikës, në një komb të paqëndrueshëm e me konflikte të brendshme, në të cilin NATO nuk mund të ketë më besim dhe të cilin BE nuk e do.

Shkrimi i Zotit Bugajsi vjen në një kohë kur situata politike në vend është e paqëndrueshme.Prej disa muajsh PD dhe LSI, po protestojnë duke kërkuar dorëheqjen e qeverisë dhe Kryeministrit Rama, duke akuzuar për korrupsion dhe manipulim zgjedhor. Grupe protestuesish janë përplasur dhunshëm duke detyruar forcat e rendit të përdorin gaz lotsjellës. /Përgatiti Ilir Çuçi

G.M./b.ha./Shqiptarja.com

TAG:
• rusia
• kriza politike
• Janusz Bugajski