Japonia, 120 mln lekë për Muzeun! PD dakord për grantin, por diskuton fasadën që po restauron BE: Bota i ka zhdukur këto simbolika komuniste

120 milionë lekë për përmirësimin e pajisjeve për ruajtjen, restaurimin dhe ekspozimin në Muzeun tonë Historik Kombëtar, do të jepen nga qeveria Japoneze në emër të forcimit të  bashkëpunimit mes palëve. Komisioni për Politikën e Jashtme dhe ai për Edukimin dhe Mjetet e Informimit Publik kanë dhënë sot dakordsinë, lidhur me ratifikimin e marrëveshjes që mundëson Shqipërisë këtë grant, me kushtin e vetëm që të zbatohet e të garantohet mirëmbajtja e pajisjeve.

Marrëveshja lidhet me Këshillin e Ministrave vendas,  ndërsa komisioni përgjegjës për këtë projektligj,  është ai i Ligjeve. Ministrisë së Kulturës, që është edhe hartuese e projektligjit të iniciuar nga pala japoneze, nuk i mbetet tjetër veçse aplikimi i plotë i fondit për pajisjet e Muzuet dhe pagesa e TVSH-së, prej 24 mln lekësh. Ndërsa kohëzgjatja e grantit shkon deri në prill të vitit 2026 dhe mund të shtyhet me pëlqimin e dy qeverive

Kryetarja e Komisionit për Edukim, Flutura Açka, i mëshoi domosdoshmërisë nga ana e Ministrisë së Kulturës për transparencë të përdorimit të këtij granti dhe të tjerëve, ndërsa debati që u rihap, në të dyja komisionet, lidhet me fasadën e Muzeut Historik, në përfundim të restaurimit me fonde të BE.

“Ne jemi dakord me projektligjin, por e mira do të ishte që të kemi një seancë tjetër dhe të hapet si diskutim çështja e fasadës, sepse kemi të bëjmë me historikun e vendit tonë”, thotë Eralda Bano, anëtare e komisionit për Edukim dhe deputete e PD-së.

Po i të njëjtit mendim për rihapjen e diskutimit për mozaikun në fasadë të Muzeut është edhe deputetja Grida Duma.

“Po të shikoni në Bukuresht statujës së Leninit i është bërë ky instalacion dhe kjo është praktika në të gjitha vendet e kampit komunist, në të cilat arkitektura e godinave ka mbetur, por simbolika, imazhi, piktura, pamja etj etj., të gjitha thuajse janë zhdukur, ose janë ribërë me një rikonceptim të ri të një bote të lirë”, thotë deputetja e PD Grida Duma gjatë diskutimit në Komisionin për Politikën e Jashtme.

“Ju ftoj patjetër që të mund ta bëjmë diskutimin në një tryezë tjetër”, thotë ndër të tjera kryetarja e komisionit për Politikën e Jashtme, Mimi Kodheli.

Në fasadë të Muzeut është mozaiku “Shqipëria” i realizuar nga 5 autorë, në të cilin paraqitet një skenë lufte, gra, burra me shpata, pushka e kazma si dhe në qendër simbolika e “Nënës Shqipëri”.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 15/09/2022 04:17

    Per idiotet e PD,ne rradhe te pare,ai mozaik mbrohet nga e drejta e autoreve qe e kane bere,vertet i ka paguar shteti,por shteti nuk eshte autori.Se dyti,mozaiku mbrohet nga faktet historike,ju pelqen apo jo,faktet jane faktet dhe s'ka gje ne bote qe t'i mohoje,ndryshoje,deformoje,apo censuroje.Se treti,eshte e vertete,qe shume nga keto vepra jane hequr ne vendet e ish-partive motra,por ama qellimisht nuk jepni faktin, qe keto vende kane qene te tere nen pushtimin rus,ose u cliruan nga ruset,ose nen ndikimin direkt rus,pra veprimet e ketyre vendeve ndaj ketyre veprave te artit,per ate c'ka perfaqesojne e prezantojne,jane te kuptueshme dhe te justifikueshme.Se katerti,sido qe erdhen fatet e historise,shqiptaret ne fund e zgjodhen vete drejtimin e historise dhe aktoreve te saj,ne rruge e siper pati si kudo,kundershtare,servile,fanatike,te zhgenjyer e te kenaqur,te imponuar,por ne fund eshte historia jone,qe nuk mund te censurohet,fshihet,apo ndryshohet,ju pelqen,apo jo.

    Përgjigju
  • Historiani: 14/09/2022 21:20

    Po, po, prisheni mozaikun me partizane. Ne vend te tij shpalosni me krenari simbolet e Shqiperise „moderne“: - nje autobot me nafte kontrabande - nje kallash pa leje - nje skaf - 10kg hashash - edhe nje skedine basti

    Përgjigju
  • Sunit hesapi: 14/09/2022 20:43

    Gjeja me e shemtuar ne sheshin e tiranes

    Përgjigju
  • Tahir tarfyci: 14/09/2022 20:02

    More kriminela ata derdhen gjakun per clirimin e shqiperis nuk u takoka pak vend tek muzeumi???????????? Aty ka edhe hajduta pulash,per ata sthoni te hiqen!!!!!!!!!!!!!!!! Maskarenje doni te zhdukeni cdo gjurm te asaj kohe te ndritur qe i dha emer shqiperis.

    Përgjigju
  • Liku: 14/09/2022 19:49

    O Sali te kripca trute, po ai eshte art, edhe aushvici eshte i tmerrshem por nuk prishet o i marre

    Përgjigju
  • Sondazhi i ditës:

    A mendoni se aksioni për konfiskim është zgjidhja e duhur për ndërtimet pa leje?



×

Lajmi i fundit

Kërkesat për azil, shqiptarët zgjedhin si destinacion të parë Francë, Britaninë dhe Gjermaninë, 'del në skenë' Irlanda

Kërkesat për azil, shqiptarët zgjedhin si destinacion të parë Francë, Britaninë dhe Gjermaninë, 'del në skenë' Irlanda