Japonia regjistron 8 raste të reja me koronavirus në 24 orët e fundit, mes tyre edhe një oficer

Japonia njoftoi gjithsej tetë raste të reja të personave të infektuar me koronavirus këtë të premte. Mësohet se, rastet nuk janë nga anija Diamond Princess, e vendosur nën karantinë në Gjirin e Yokohama.

Sipas raportimeve nga mediat e huaja, rasti i tetë i infektuar është një oficer i Yokohamas tek të 30-tat, i cili ndihmoi një pacient të infektuar nga Diamond Princess më 10 shkurt. Ai kishte veshur paisjet mbrojtëse dhe syze, mirëpo pavarësisht kësaj rezulton i infektuar. Ministria e shëndetësisë po mundohet të kuptojë se si ky pacient ka rënë në kontakt me virusin.

Këto raste çojnë në 258 numrin e përgjithshëm të të infektuarve në Japoni, nga të cilat 219 janë vetëm nga Diamond Princess. Ndërkaq, deri më tani një person ka humbur jetën.

Lajmi kryesor:

Shkon në 1526 numri i viktimave nga koronavirusi, 67 mijë persona të infektuar/ Në Francë regjistrohet viktima e parë

TAG:
• Japoni
• Koronavirus
• Diamond Princess
• 8 te infektuar