POP 5

Lajmet më të lexuara të 5 minutave të fundit

Politikë

Java e fundit e Kuvendit, PS e opozita në limite për ndryshimet e Kodit Zgjedhor! Palët ende në diskutime

Edhe pse kjo është java e fundit e parlamentit deri kur ligjvënësit të kthehen sërish në shtator, palët janë ende në diskutime për ndryshimet në Kodin Zgjedhor.  Sërish në limite, mazhoranca dhe opozita duhet të dakordësojnë për të çuar në Kuvend një draft të përbashkët i cili duhet të reflektojë me domosdoshmëri dy vendimet të Gjykatës Kushtetuese, atë për herësin dhe votën e diasporës. Për shkak të axhendës së ngjeshur, këtë javë parlamenti do të shtrihet në dy ditë, të enjten dhe të premten.

Pas dështimit të reformës zgjedhore dhe diskutimeve në grupin e dialogut, mazhoranca dhe opozita duket se janë afër marrëveshjes për ndryshimet në Kodin Zgjedhor edhe pse në limit kohor. Ndërsa për votën e diasporës po përpiqen për dakordësi në parim, në mënyrë të mundësojnë votën e të gjithë shqiptarëve me banim jashtë vendit, drita jeshile pritet për propozimin më të fundit të opozitës që rrëzon mekanizimin e herësit.  Mazhoranca ka dhënë sinjale pozitive dhe Bledi Cuci, kreu i grupit të socialistëve u tha deputetëve në mbledhjen e kësaj të hëne se diskutimet vijojnë ende në nivel politik dhe se nëse do të ketë dakordësi mes palëve, ndryshimet do të kalojnë për votim në seancën e kësaj jave.

PD ka propozuar që 1/3 e listës së deputetëve të jete e mbyllur, pra e hartuar nga kryetari i partisë, ndërsa 2/3 e listës të jetë e hapur dhe deputetët fitues të renditen sipas votës preferenciale, duke rrëzuar herësin të cilin më herët socialistët propozuan të jetë jo më shumë se 7 mijë vota. Por ky propozim për ish-kryedemokrati Lulzim Basha nuk është gjë tjetër veçse pazar i Ramës dhe Berishës që sipas tij kanë frikë nga listat e hapura. Përmes një postimi në rrjetet sociale, Basha e cilësoi si një tentativë në bashkëpunim për të dobësuar parlamentin dhe për të ndarë mes tyre pushtetin ekonomik dhe politik.

Për të çuar përpara ndryshimet në Kodin Elektoral palët duhet të dakordësojnë brenda 3 ditëve pasi  kjo është java e fundit e punimeve parlamentare, deri kur ligjvënësit të rikthehen sërish shtator. Axhenda e ngjeshur do ta zgjasë seancën plenare në dy ditë, të enjten dhe të premten e kësaj jave,  për shkak të projektligjeve dhe akteve të shumta që kërkojnë miratim para mbylljes së sesionit parlamentar.  Vec ndryshimeve në Kodin Zgjedhor në rendin e ditës janë parashikuar gjithashtu dy interpelanca me ministrat Blendi Gonxhaj dhe Erin Mete, raportet vjetore të disa institucioneve të pavarura, projektligjet "Për Policinë e Shtetit" si dhe projektligjin “Për prodhimit dhe tregtimin e municioneve”.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46