TIRANE - "Made in Italy". Ushqime tradicionale italiane u promovuan këtë të hënë Në edicionin e katërt të Javës së Kuzhinës Italiane në botë, një nismë e ndërmarrë në vitin 2016 si rrjedhojë e Expo Milano 2015 nga Ministria e Punëve të Jashtme dhe e Bashkëpunimit Ndërkombëtar.
Ambasadori Alberto Cutillo mbajti këtë pasdite konferencën për shtyp të prezantimit të edicionit IV të Javës së Kuzhinës Italiane. Së bashku me partnerët privatë dhe institucionalë prezantoi temat që do të trajtohen në Shqipëri për të dhënë edhe me këtë rast një kontribut në përforcimin e urave që lidhin historikisht dy brigjet tona të Adriatikut.
“Java e kuzhinës italiane ka si synim jo vetëm paraqitjen e produkteve por në radhë të parë qëndrueshmërinë pra bazohet në disa parime që kanë të bëjnë me qëndrueshmërinë, cilësinë me dietën mesdhetare italiane në veçanti. Tema e kësaj jave të katërt është edukimi ushqimor kultura e shijes për këtë arsye kemi menduar të bëjmë bashkë çështje që kanë të bëjnë me shijen por edhe cilësinë e produkteve.”- u shpreh ambasadori i Italisë në Shqipëri, Alberto Cutillo.
Ky event u mbajt në ambientet e Kalasë së Tiranës dhe pritet të zgjasë për tre ditë radhazi ku do t’u lejojë pjesëmarrësve të zbulojnë dhe të përvetësojnë nocione specifike rreth disa verërave të veçanta italiane.
Një kamerier i veçantë ra në sy, teksa i buzëqeshur i servirte të ftuarve verërat më të mira italiane. Ai është me sindromën Dawn dhe ka zgjedhur të shërbejë në këtë event ku mbizotëroi aroma italiane.
Rrugicat e Kalasë së Tiranës u mbushën me aromat e disa prej verërave më të mira italiane falë inaugurimit të Masterclass-it të Karuselit të Verërave Italiane, që do të mbahet edhe ditën e nesërme dhe ditën e mërkurë më 20 nëntor: nën udhëzimet e somelierëve të njohur, pjesëmarrësit do të mund të mësojnë teknikat e degustimit e njëkohësisht të shijojnë ekselencën italiane
Kjo javë ka synim të promovojë traditën kulinare dhe enogastronomike italiane dhe tiparet dalluese të "Markës Italiane".
Lajme të tjera
-
'Vendi i Ballkanit Perëndimor është në BE', Hasani pritet nga homologu suedez në Stokholm! Takime me deputetët me orgjinë shqiptare dhe zyrtarë të tjerë
11 Qershor, 19:12 -
Lufta Izrael-Palestinë, Ministria e Jashtme thirrje shqiptarëve: Anuloni udhëtimet! Ja si të veprojnë ata që duan të largohen
8 Tetor 2023, 11:08 -
Cakaj 'mbledh' faktorin politik shqiptar në ballkan: Pa asnjë diskutim bashkë do t’ia dalim
14 Prill 2020, 14:21 -
Ku duhet të drejtohen shqiptarët që ndodhen në Holandë për të zgjatur afatet e qëndrimit
21 Mars 2020, 10:03 -
Në anijen e ndaluar në Japoni me 10 persona me koronavirus ndodheshin 3 maqedonas
6 Shkurt 2020, 19:43
