Erion Malaj ishte këtë të hënë në Bruksel, ku nisi Java Parlamentare Europiane 2026 në Parlamentin Europian.

Deputeti i PS-së mori pjesë në sesionin hapës të aktivitetit, që mbledh bashkë parlamentarë nga vendet anëtare të BE-së, vendet kandidate dhe ato vëzhguese, si edhe eurodeputetë. Në fotot e publikuara prej tij, Malaj shfaqet krah Presidentes së Parlamentit Europian, Roberta Metsola, dhe mes kolegësh nga parlamente të ndryshme të Europës.

“Në sesionin hapës të European Parliamentary Week 2026 në Bruksel, me Presidenten e Parlamentit Europian Roberta Metsola, mes kolegësh nga parlamentet kombëtare të vendeve anëtare, kandidate dhe vëzhguese, dhe eurodeputetët. Dialog, bashkëpunim dhe vizion i përbashkët për sfidat e Europës”, shkruan ai.

Java Parlamentare Europiane po mbahet më 23-24 shkurt dhe konsiderohet si një nga forumet më të rëndësishme të dialogut mes parlamenteve kombëtare dhe atij europian. Në fokus janë çështjet ekonomike, buxhetore dhe sociale, si edhe diskutimet për stabilitetin financiar dhe koordinimin e politikave në nivel europian.

U.D/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera