Je një Peshore? Ja çfarë karakteristikash ke dhe si ndikon Hëna dhe Eklipsi Diellor në shenjën tuaj

Në vijim të parashikimit javor të horoskopit në studion e “Rreze Dielli”, astrologu Jorgo Pulla u ndal në shenjën e Peshores, ku do të jetë ndikimi më i madh si nga ana e Hënës ashtu dhe në Eklipsin Diellor.

“Përfitimet më të mëdha merren kur kemi Hënë të re, pasi ajo na jep mundësinë të shikojmë më qartë atë që duhet të bëjmë apo atë që do të nisim. Gjithashtu Hëna e re ndihmon për të parë përtej asaj që ne nuk shohim. Ndërsa me Hënë të plotë duhet të përpiqemi për të mbyllur çdo problem të lenë pezull. Sa i takon Eklipsit Diellor do të na ndihmojë për të zbuluar problematika të të tretëve ku do të fitojnë njerëzit e së drejtës” shprehet Pulla.

Po cilat janë disa nga shenjat karakteristike tipike të Peshores?

“Kur flasim me një Peshore duhet të jemi të drejtpërsëdrejti, sepse Peshorja shikon dhe regjistron. Peshorja ka diçka pozitive për veten e saj dhe ndoshta negative për të tjerët, nëse ti refuzon diçka apo nuk i pëlqen mënyra sesi artikulon përpara Peshores, ajo të kupton direkt se çfarë problemi ke. Me një Peshore duhet të jesh i qartë që në fillim, gjithashtu me një Peshore duhet të jeni të kujdesshëm në bisedime dhe në kontrata të rëndësishme. Peshorja bën ndere pa të thënë dhe asnjëherë nuk e tregon se çfarë ka bërë dhe kjo është një anë shumë e mirë e kësaj shenje. Anë negative e kësaj shenje është që indinjohet shpejt, mërzitet lehtë, por është e dhënë pas punës dhe sapo i kërkon ndihmë t’a jep pa hezituar. Sa i takon fushës së punë dhe karrierës, Peshoret janë këmbëngulës, nëse duan diçka e realizojnë, janë të mirë në role drejtuese, në vende reklamimi, marketingu, në fushën e biznesit janë të parët, në shit-blerje dhe exchange janë shumë të mprehtë” thekson astrologu Jorgo Pulla.

Lajmi kryesor:

Kujdes, shmangni debatet! Nga puna tek dashuria dhe financat, çfarë parashikojnë yjet për këtë javë sipas astrologut Jorgo Pulla

MC/Shqiptarja.com

TAG:
• Tetor 2023
• parashikimi javor
• astrologji
• jorgo pulla
• horoskopi
• intervista
• rreze dielli