FRANCE - Ministri francez i financave, Bruno Le Maire, është shprehur se protestat e "jelekverdhëve" kanë qenë "një fatkeqësi" për ekonominë franceze.
Në katër fundjavat e fundit, francezët kanë protestuar kundër taksave të karburantit dhe kostos së lartë të jetesës. Rreth 125,000 protestues dolën të shtunën rrugëve të Parisit, ku 1700 prej tyre u arrestuan nga policia.
Disa vende turistike, duke përfshirë Kullën Eifel dhe Muzeun e Luvrit, qëndruan të mbyllura këtë fundjavë.
Ministri i Financave Bruno e konsideroi situatën e krijuar "një krizë" për shoqërinë dhe demokracinë. "Është një fatkeqësi për tregtinë dhe për ekonominë tonë", tha ai gjatë një vizite në disa nga dyqanet që ishin dëmtuar gjatë protestave.
Veçanërisht Parisi, pas protestave kishte shumë banesa me dritare të shkatërruara, makina të djegura dhe dyqane të grabitura. Megjithatë, ai shtoi se kjo e shtunë shënoi një numër të personave të lënduar, më të vogël krahasuar me javën e kaluar.
Lajme të tjera
-
Utopia: Sikur të punohej 4 orë në ditë
3 Prill 2023, 12:39
-
Parlamenti francez miraton ligjin kontraversial për policinë, dënohet filmimi dhe bërja publike e pamjeve të oficerëve
15 Prill 2021, 15:50
