Jepet kësti katërt dhe i pestë
për 1876 të përndjekurit/ Lista

TIRANE- Ministria e Financave ka publikuar emrat e 1876 ish të përndjekurve të cilëve u është miratuar kësti i katërt dhe i pestë i dëmshpërblimit, të cilët duhet të bëjnë plotësimet përkatëse në dokumentacion për të tërhequr shumat.

1582 prej ish të përndjekurve i përkasin këstit të pestë të dëmshpërblimit, ndërkohë që 294 të tjerët këstit të katërt. Ministria bën me dije se personat në listë duhet të paraqesin certifikatën apo numrin e llogarisë bankare. Lista zyrtare e përfituesve përmban numrin e dosjes, emrin, mbiemrin dhe atësinë e ish të përndjekurit, si dhe vendlindjen e numrin e vendimit të Këshillit të Ministrave ku i njihet e drejta e përfitimit të dëmshpërblimit, numrin personal të llogarisë bankare dhe bankën ku i lëvrohen këstet.