“Jeta emigrante e familjes time, Brexit një ide e keqe”, intervista e Dua Lipa-s për CNN (Video)

Ylli shqiptar e cila ka arritur të jetë një nga emrat më të kërkuar në botë, ka zbuluar disa detaje nga jeta e saj që nuk i dinim më parë. Në një intervistë për televizionin e njohur amerikan CNN, përveç detajeve nga karriera e saj Dua Lipa foli dhe për refugjatët dhe Brexit.

Këngëtarja me origjinë shqiptare dhe me nënështetësi britanike tregoi se Brexit - dalja e Britanisë nga Evropa është një ide e keqe. “Janë njerëzit ata që do t’i vuajnë pasojat dhe ndoshta shumë do të largohen, por çfarëdo që të ndodhë, dua të them që do ta gjejmë një rrugëzgjidhje. Më të mirën e mundshme për të gjithë,”- u shpreh Dua.

Gjithashtu ajo foli edhe për kohën kur iu desh të largohej nga Kosova, së bashku me familjen dhe mbërritën si refugjatë në Angli. Dua tregoi se gjithashtu ka qenë një refugjate dhe familja e saj në atë kohë ka përjetuar shumë vështirësi.

LEXO EDHE:
Dua Lipa thotë 'Po', Callum i vendos unazën në gisht

“Askush nuk e lë vendlindjen me dëshirë, është e vështirë sidomos për refugjatët në rrugën që do të marrin, por unë kam qenë me fat që kam ardhur në Londër dhe kam realizuar ëndërrën time,”- u shpreh këngëtarja shqiptare.

Sigurisht që ylli i “New rules” nuk mund të mos fliste për Kosovën. Në fund të intervistës gazetarja e CNN e ka pyetur Lipën se cilin qytet do të zgjidhte mes Prishtinës dhe Londrës dhe përgjigjia e këngëtares ishte më se e sinqertë.

“Prishtinën, e kam shumë për zemër Londrën, por vendi ku unë ndihem vetvetja është Prishtina,”- përfundoi Dua.

TAG:
• dua lipa
• Brex-it
• cnn

Sondazhi i ditës:

Si ka qene per ju viti 2024?

• I mire

  43.8%

• I keq

  22.8%

• As i mire as i keq

  33.4%

Vota total: 1518

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq