POP 5

Lajmet më të lexuara të 5 minutave të fundit

Sociale

Jetë në det! Pasioni i peshkatarëve të Orikumit e Radhimës: Shfrytëzimi pa kontroll po e varfëron detin

Për peshkatarët ditët nuk i ngjajnë njëra tjetrës teksa dalin në det herët në kërkim të gjahut. Në dimër kushtëzohemi nga moti thonë peshkatarët e Orikumit dhe Radhimës. Ata rrëfejnë se shfrytëzimi pa kriter dhe ndotja po e varfërojnë jetën e gjallë në det. 

VLORË - Çdo ditë, pa orar dhe pavarësisht kushteve atmosferike, peshkatarët e Orikumit dhe Radhimës dalin në det për të gjahun e ditës.

Shumë prej tyre, tashmë i kanë mbushur disa dekada në det, për të siguruar përmes peshkimit, jetesën e tyre.

Muaji mars konsiderohet periudha më e favorshme për peshkim, kur deti është i pasur me gjallesa. Ndërkohë, janari dhe shkurti janë muajt më të vështirë për ta, të cilët peshkatarët i quajnë “ditët më të këqija”.

Jani Kushtën dhe Kujtim Myftarin i gjejmë në breg, por ata thonë se kushtet atmosferike shpesh herë janë sfiduese, me dallgë që ua bëjnë të pamundur daljen në det. Për më tepër, shfrytëzimi i pakontrolluar i burimeve detare ka ndikuar ndjeshëm në uljen e numrit të gjallesave ujore, duke e bërë punën e tyre edhe më të vështirë.

“Dimri ka shumë vështirësi, behari është më i thjeshtë. Kur prishet koha, rrimë në tokë, nuk dalim të peshkojmë. Gjuetia kështu e ka, njëherë më shumë një herë më pak, por është varfëruar, jo ndotja, jo vaskat”, shprehet Jani Kushta.

“Deti është shumë i vështirë, duhet të shohësh kohën. Limiti i peshkimit, që nga 3 ballë deri në 4 ballë, po kaloi më shumë nuk lejohemi sepse jemi varka të vogla. Dalja në mëngjes, është pa orar, nuk është si puna në zyrë. Në mars është periudha më e mirë për të peshkuar, ndërsa koha më e vështirë është kjo periudhë, janari, shkurti, sepse mund të ketë prodhim, por ulet çmimi, por edhe koha më e keqe, nuk del dot”, thotë Kujtim Myftari.

Peshkimi me grepa apo me varka të vogla është kthyer në një mënyrë jetese për banorët e Orikumit dhe Radhimës, të cilët përballen çdo ditë me sfidat e këtij profesioni. Përballë vështirësive, ata kërkojnë më shumë mbështetje dhe mbrojtje për burimet natyrore të detit, në mënyrë që kjo traditë të vazhdojë të jetë pjesë e jetës së brezave të ardhshëm.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Moti i keq në Vlorë, dallgët deri në 2 metër, ndalohet lundrimi i anijeve të peshkimit

Moti i keq në Vlorë, dallgët deri në 2 metër, ndalohet lundrimi i anijeve të peshkimit

7 Janar, 08:23